शिंदोडी (तेजस फडके) करडे (ता. शिरुर) येथील डब्ल्यू स्क्वेअर इंडिया प्रायव्हेट लिमिटेड (Wsquare feeds india private limited) या कंपनीत एका माजी सैनिकाची पत्नी कंपनीत भागीदार असताना बनावट कागदपत्रे बनवुन तिचा राजीनामा घेत तिला कंपनीच्या भागीदारीतुन काढुन टाकण्यात आले असल्याने रेश्मा राहुल वाळके (वय ३७) रा. करडे यांनी शिरुर पोलिस स्टेशन येथे चार जणांविरोधात २७ जानेवारी २०२५ रोजी चार जणांविरोधात फिर्याद दाखल केलेली आहे. परंतु फिर्याद दाखल केल्यानंतर २२ दिवस उलटूनही आरोपी अजुनही चार पैकी एकाही आरोपीला अटक झालेली नाही.
याबाबत तालुक्यातील माजी सैनिक संघटनेच्या पदाधिकाऱ्यांनी आधी शिरुरचे तहसीलदार, पोलिस निरीक्षक यांची भेट घेत फरार आरोपीना तातडीने अटक करावी अन्यथा माजी सैनिकांच्या वतीने आंदोलन करण्याचा इशारा दिला होता. परंतु त्यानंतरही पोलिसांनी काहीच हालचाल न केल्याने माजी सैनिकांनी दि ३१ जानेवारी २०२५ रोजी शिरुर-हवेलीचे आमदार ज्ञानेश्वर ऊर्फ माऊली कटके यांची भेट घेतली होती.
तसेच पुणे ग्रामीणचे पोलिस अधिक्षक पंकज देशमुख यांनीही या केस मध्ये विशेष लक्ष घाललेले असतानाही शिरुर पोलिस स्टेशन मधील एक वरिष्ठ अधिकारीच आरोपीच्या संपर्कात राहुन त्यांना मदत करत असल्याचा गंभीर आरोप करत माजी सैनिक पत्नीने पुणे ग्रामीण पोलिस अधिक्षकांकडे या अधिकाऱ्याची लेखी तक्रार करुनही आरोपीना मदत करणाऱ्या झारीतील शुक्राचार्य असणाऱ्या या अधिकाऱ्याची तातडीने बदली करण्यात यावी अशीही मागणी काही सामाजिक कार्यकर्त्यांनी केली आहे.
बावीस दिवस उलटुनही आरोपी फरारच…?
करडे येथील माजी सैनिक पत्नीची आर्थिक फसवणुक आणि जिवे मारण्याची धमकी दिल्यानंतर माजी सैनिक आणि त्याच्या पत्नीने २७ जानेवारी २०२५ रोजी शिरुर पोलिस स्टेशन येथे तक्रार दाखल केल्यानंतर २२ दिवस उलटूनही यातील चार आरोपी फरार असुन पोलिसांना अजुनही ते सापडले नाहीत. शिरुरचे पोलिस निरीक्षक संदेश केंजळे आणि तपास अधिकारी पोलिस उपनिरीक्षक सागर शेळके हे आरोपीचा कसुन तपास करत आहेत. परंतु याचं पोलिस स्टेशन मधील एक वरिष्ठ अधिकारी आरोपीच्या संपर्कात राहत त्यांना मदत करत आहे. त्यामुळे हिंदी चित्रपटाचे कथानक शोभेल अशीच काहीशी सध्या या तपासाची अवस्था झालेली आहे.
(क्रमशः)
शिरुर; माजी सैनिकाच्या पत्नीची कंपनीच्या भागीदारीत फसवणुक करत जिवे मारण्याची धमकी
‘कुणी न्याय देईल का न्याय’; माजी सैनिकाच्या पत्नीची आर्त हाक; आरोपी अद्यापही मोकाट
शिरुर पोलिस स्टेशनच्या वरिष्ठ अधिकाऱ्यावर माजी सैनिक पत्नीचा गंभीर आरोप; पोलिस अधिक्षकांकडे तक्रार
पुणे : पुणे शहरातील स्वारगेट एसटी स्थानकाच्या आवारात एका प्रवासी युवतीवर 25 फेब्रुवारी 2025 रोजी…
शिरूर (अरुणकुमार मोटे) : शिरूर तालुक्यातील शिरूर-न्हावरे मार्गावरील करडे घाट परिसर आज (सोमवरा) सायंकाळी पाच…
मंगळवेढा: सातारा येथे झालेल्या ५२ व्या हिंदकेसरी कुस्ती स्पर्धेत मानाचा ‘हिंदकेसरी’ किताब पटकावून मंगळवेढा तालुक्यातील…
पुण्यश्लोक, राजमाता अहिल्यादेवी होळकर यांच्या चरणी सुनेत्रा अजित पवार नतमस्तक मुंबई: स्वराज्यजननी जिजाऊ माँसाहेब, पुण्यश्लोक…
अहिल्यानगर: लोकमाता पुण्यश्लोक अहिल्यादेवी होळकर यांच्या 301 व्या जयंतीनिमित्त चौंडी येथे आयोजित भव्य जयंती सोहळ्यात…
मुंबई: कांदा उत्पादक शेतकऱ्यांच्या प्रश्नांवर बोलताना नवनाथ बन यांनी केलेल्या विधानांचा राष्ट्रवादी काँग्रेस पक्षाने समाचार…