शिरूर (अरुणकुमार मोटे): कवठे येमाई (ता. शिरूर) येथील अष्टविनायक महामार्गावर काळूबाई नगर परिसरात बंटी ढाब्याजवळ रविवारी (दि. १७) पहाटे मालवाहू ट्रकला टेम्पोने जोरदार दिलेल्या धडकेत झालेल्या भीषण अपघातात अहिल्यानगर जिल्ह्यातील वडनेर ता.पारनेर येथील वाजे कुटुंबातील तिघांचा मृत्यू झाला. या दुर्दैवी घटनेने परिसरात हळहळ व्यक्त होत आहे.
ज्ञानेश्वर मकाजी वाजे (वय 3८), शांताबाई मकाजी वाजे (वय ६८) व मुलगा युवांश ज्ञानेश्वर वाजे (वय ५) अशी मृतांची नावे आहेत. ज्ञानेश्वर वाजे हे आई व लहान मुलासह मुंबईहून दुध वाहतूक करणाऱ्या टँकरमधून गावाकडे येत होते. कवठे येमाई येथील काळूबाई नगरजवळील बंटी हॉटेलजवळ मालवाहू ट्रकवर (क्र. एम एच ४२ बी ८८६६) दुध वाहतूक करणारा टँकर (क्रमांक एम एच १६ सीडी ९८१९ ) जोरदार आदळला. धडक एवढी भीषण होती की टँकर ट्रकमध्ये घुसला. आवाज ऐकून स्थानिकांनी घटनास्थळी धाव घेतली व जखमींना बाहेर काढले. मात्र लहानगा युवांश जागीच ठार झाला, तर गंभीर जखमी शांताबाई व ज्ञानेश्वर यांचा उपचारादरम्यान मृत्यू झाला. टँकर चालक जखमी असून त्याच्यावर उपचार सुरू आहेत. या अपघातात वाजे कुटुंबातील तीन जणांचा करुण अंत झाल्याने वडनेर गाव व परिसरात शोककळा पसरली आहे.
दरम्यान, टाकळी हाजी पोलीस दुरक्षेत्राचे पोलीस उपनिरीक्षक दिलीप पवार यांनी कर्मचाऱ्यांसह घटनास्थळी भेट घेऊन पंचनामा केला आहे. अष्टविनायक महामार्ग सततच्या अपघातांमुळे ‘मृत्यूचा सापळा’ ठरत असून धोकादायक वळणांवर चेतावणी फलक व शास्त्रीय गतिरोधक उभारण्याची मागणी स्थानिकांकडून जोर धरू लागली आहे.
पाबळ (सुनील जिते) : शिरूर तालुक्यातील कान्हूर मेसाई परिसरातील गारकोलवाडी हे गाव अत्यंत दुष्काळी व…
शिरुर (तेजस फडके) शिरुर तालुक्यातील मांडवगण फराटा येथे क्रिकेट स्पर्धेदरम्यान झालेल्या फायरींग प्रकरणातील दोन मुख्य…
संवेदनशीलता आणि मानवतेचे दर्शन घडवणारी घटना जेजुरी: जेजुरी येथे दर्शनासाठी आलेली तीन वर्षांची चिमुकली हरवल्याने काही…
शिक्रापूर (ओमकार भोरडे): पारोडी हद्दीतील एनएच-५४८ महामार्गालगत उभारण्यात आलेला जिओ कंपनीचा मोबाईल टॉवर वारंवार बंद…
नवनियुक्त पोलीस निरीक्षक चंद्रशेखर यादव यांची प्रत्यक्ष बाजारात भेट; साध्या वेशातील पथके तैनात होणार शिक्रापूर…
शिरूर (अरुणकुमार मोटे): महाराष्ट्र राज्य पत्रकार महासंघाच्या शिरूर तालुका कार्यकारिणीची बैठक नुकतीच शिरूर येथे उत्साहात…