ranjangaon-midc-police station
रांजणगाव गणपती (तेजस फडके) रांजणगाव गणपती ग्रामपंचायत हद्दीतील ७२ गुंठे जमीन अपहारप्रकरणी रांजणगाव MIDC पोलिस स्टेशनला तत्कालीन ग्रामसेवक व लिपिकाला पोलिसांनी अटक केलेली आहे. तपासा दरम्यान उद्योजक दत्तात्रय पाचुंदकर यांचा या गुन्ह्यात सहभाग असल्याचे निष्पन्न करुन त्यांना या गुन्ह्यात आरोपी करण्यात आले आहे.
रांजणगाव पोलिसांनी तत्कालीन ग्रामसेवक हनुमंत लक्ष्मण चव्हाण यांनी तपासा दरम्यान दत्तात्रय पाचुंदकर यांच्या सांगण्यावरुन ग्रामपंचायतच्या दस्त ऐवजात बनावट नोंदी, खाडाखोड तसेच बनावट पान चिटकवत त्यावर नोंदी केल्याचे पोलिसांनी तपासात दाखवून दत्तात्रय पाचुंदकर यांनाही या गुन्ह्यात आरोपी केले आहे अशी माहिती पोलिस निरीक्षक महादेव वाघमोडे यांनी दिली.
परंतु तत्कालीन ग्रामसेवक हनुमंत चव्हाण यांनी पोलिस तपासा दरम्यान मला पोलिसांनी बऱ्याच कागदपत्रावर सहया करायला सांगितल्या होत्या. तसेच ते कागदपत्र मला वाचायला दिलेले नाहीत. पोलिस कोठडी दरम्यान मी कधीही दत्तात्रय पाचुंदकर यांच्या सांगण्यावरुन रांजणगाव गणपतीच्या ग्रामपंचायत दप्तरामध्ये खाडाखोड केल्याचा जबाब दिलेला नाही किंवा मी खाडाखोड केलेली नाही असे प्रतिज्ञापत्र शिरुर कोर्टात सादर केले आहे. त्यामुळे या प्रकरणाला नवीन वळण मिळाले असुन पोलिसांनी पाचुंदकर यांचे नाव या प्रकरणात गोवण्यासाठी केलेला तपास हास्यास्पद आहे.
ग्रामसेवक हनुमंत चव्हाण यांनी शिरुर कोर्टात प्रतिज्ञापत्र सादर केल्याने या प्रकरणात आणखी गुंतागुंत वाढण्याची शक्यता निर्माण झाली आहे. उद्योजक दत्तात्रय पाचुंदकर यांना या गुन्ह्यात अडकविण्यासाठी पोलिसांवर कोणाचा राजकीय दबाव तर नाही ना…? अशी सगळीकडे सध्या दबक्या आवाजात चर्चा सुरु आहे.
उद्योजक दत्तात्रय पाचुंदकर हे २००९ ते २०१९ या कार्यकाळात कधीही ग्रामपंचायतचे पदाधिकारी नसताना तपास अधिकारी अशोक चव्हाण यांनी सदर गुन्ह्यात त्यांना राजकीय दबावापोटी तर आरोपी केले नाही ना अशी सध्या सगळीकडे उलट सुलट चर्चा चालु आहे.याबाबत शिरुरचे उपविभागीय अधिकारी प्रशांत ढोले यांच्याशी संपर्क साधला असता संपर्क होऊ शकला नाही.
(क्रमशः)
पाणीगळती, पाणीचोरी आणि टँकरच्या काळाबाजारावर कारवाई होणार; पिण्याच्या पाण्याचा गैरवापर करणाऱ्यांचे नळजोड तोडणार! पुणे :…
न्हावरे (अक्षय टेमगिरे) शिरुर तालुक्यातील न्हावरा रोड येथे दुचाकीवरुन पडून गंभीर जखमी झालेल्या २६ वर्षीय…
न्हावरे (अक्षय टेमगिरे) : घराचा दरवाजा उघडा असल्याची संधी साधत अज्ञात चोरट्याने घरात प्रवेश करुन…
शिरूर (अरुणकुमार मोटे) : आंबळे (ता. शिरूर) येथील अखंड हरिनाम सप्ताहातील खोले महाराज यांचा कीर्तनाचा…
कारेगाव (तेजस फडके) : शिरुर तालुक्यात गुन्हेगारीचे प्रकार थांबण्याचे नाव घेत नसतानाच कारेगाव येथे एका…
मुंबई: महाराष्ट्राच्या समृद्ध सांस्कृतिक परंपरेचे प्रतीक असलेल्या गणेशोत्सवाला युनेस्कोच्या अमूर्त सांस्कृतिक वारशाच्या यादीत स्थान मिळवून…