गुनाट येथील विद्युत मोटारीच्या ७० किलो तांब्याच्या तारा चोरल्या

शिंदोडी (तेजस फडके) सध्या फेब्रुवारी महिना सुरु झाला असुन उन्हाळ्याची चाहूल लागल्याने शिरुरच्या पुर्व भागात गुनाट गावातील कोळपेवाडी येथील काही शेतकऱ्यांच्या विद्युत मोटारी मधील तांब्याच्या तारा चोरीला गेल्या असुन याबाबत गुनाटचे माजी सरपंच गणेश बाळासो कोळपे (वय ३३) (रा. गुनाट, कोळपेवाडी, ता. शिरुर, जि. पुणे) यांनी शिरुर पोलिस स्टेशन येथे तक्रार दिली आहे.

 

शिरुर पोलिसांनी दिलेल्या माहितीनुसार दि ८ फेब्रुवारी सायंकाळी ६ ते दि ९ फेब्रुवारी रोजी सकाळी ८ च्या सुमारास चिंचणी गावच्या हददीत घोड धरणालगत असलेल्या गणेश कोळपे यांच्या मालकीच्या तसेच इतर शेतकऱ्यांच्या शेतीच्या सिंचनासाठी असलेल्या ७ पाण्याच्या विद्युत मोटारी मधील ७० किलो ग्रॅम वजनाच्या ४२ हजाररुपये किंमतीच्या तांब्याच्या तारा कोणीतरी अज्ञात चोरटयाने मोटारी खोलुन चोरुन नेल्या असुन अज्ञात चोरट्या विरुद्ध शिरुर पोलिस स्टेशनला तक्रार दाखल करण्यात आली आह.

 

या घटनेचा पुढील अधिक तपास शिरुरचे पोलिस निरीक्षक संदेश केंजळे यांच्या मार्गदर्शनाखाली पोलिस हवालदार विनोद मोरे करत आहेत.

शिरुर तालुक्यातील अनाधिकृत सेंट चावरा स्कूलवर कारवाई करण्याची मागणी

शिरुरच्या सेंट जोसेफ इंटरनॅशनल स्कूलचे भव्य स्नेहसंमेलन मोठ्या दिमाखात पडले पार 

शिरुर पोलिस स्टेशनच्या वरिष्ठ अधिकाऱ्यावर माजी सैनिक पत्नीचा गंभीर आरोप; पोलिस अधिक्षकांकडे तक्रार