केळीच्या पानाचे आरोग्यदायीही महत्त्व

केळीचे झाड हे भगवान विष्णूला प्रिय आहे. ज्यांचे लग्न जमत नाही, अशा कुमारिकांनी केळीच्या झाडाची पूजा करावी असे बोलतात. वास्तुशास्त्रानुसार केळीचे झाड घराच्या समोर लावणे शुभ असते.

केळीच्या पानात जेवल्याने अनेक फायदे आहेत. केळीच्या पानावर गरम भोजन वाढल्याने त्या पानांमधली पोषकतत्वे अन्नात मिसळतात. ती शरीरासाठी चांगली असतात.

ज्यांना डाग, खाज, पुरळ, फोड याचा त्रास आहे अशांनी केळीच्या पानात जेवलेले फार चांगले असते.

केळीच्या पानातील पॉलिफेनॉल नावाचा घटक नैसर्गिक ऍण्टीऑक्सिडंट म्हणून काम करतो. यामुळे त्वचा दीर्घकाळपर्यंत तरुण राहण्यास मदत मिळते.

त्वचेचा आजार असल्यास केळीच्या पानावर खोबरेल तेल टाकून हे पान त्वचेवर गुंडाळायचे, फरक दिसेल.

सुकलेल्या केळीच्या पानांचा चूरा चहात टाकून घेतल्यास फुफ्फुसे व स्वरयंत्राचे आजार बरे होतात.