शरीरातील वाढणारं कोलेस्ट्रॉल

बदलत्या काळानुसार प्रत्येकाची जीवनशैली बदलत चालली आहे. मात्र, बदलणारी जीवनशैली आरोग्यासाठी हानिकारक सिद्ध होत आहे. कामाचा नि कौटुंबिक गोष्टींचा वाढणारा ताण आणि त्यात चुकीच्या सवयी आरोग्याची वाट लावण्यासाठी पुरेशा आहेत. हृदय विकार, स्ट्रोक, श्वसन विकार, मानसिक अस्थैर्य, लठ्ठपणा अशा अनेक समस्यांनी आज बरेच लोक त्रासलेले आहेत.

यातील कितीतरी समस्यांचे कारण वाढते कोलेस्ट्रॉल आहे. केवळ लठ्ठ नव्हे तर शरीरयष्टीने बारीक असणाऱ्या लोकात सुद्धा वाढते कोलेस्ट्रॉलची समस्या निर्माण होत आहे. कितीतरी लोकांना आपल्या शरीरात कोलेस्ट्रॉलची पातळी वाढली आहे किंवा वाढते आहे याचा सुगावा लागत नाही. परिणामी, अनेक वेळा शिरा पूर्णपणे बंद होई पर्यंत कोलेस्ट्रॉलची पातळी वाढत जाते आणि त्यानंतर ब्लॉकेजेस, हार्ट अटॅकचा धोका वाढतो. अशा वाढत्या कोलेस्ट्रॉलची काही लक्षणे असतात, ती जाणून घेउया.

स्नायू मध्ये वेदना होणे: अनेकदा अचानक हात, पाय दुखण्याची समस्या जाणवते. कित्येकदा असह्य वेदना होतात. ज्यांचे कारण माहित नसते. तर याचे कारण उच्च कोलेस्ट्रॉल असू शकते. जेव्हा शरीरात प्लेक जमा होतो तेव्हा, ते रक्तवाहिन्यांना अवरोधित करते. या स्थितीला ‘एथेरोस्क्लेरोसिस’ असे म्हणतात. शरीरात कोलेस्टेरॉलची पातळी वाढल्याने रक्त वाहिन्यांवर परिणाम होतो. परिणामी स्नायूत वेदना होऊ शकतात. ज्यामुळे हात, पाय, खांदे ते अगदी बोटं सुद्धा दुखू शकतात.

अंग थरथरणे किंवा बधीरपणा येणे: बऱ्याचदा उच्च कोलेस्ट्रॉलच्या रुग्णात अंग थरथरणे आणि बधीरपणाची समस्या येऊ शकते. कारण कोलेस्ट्रॉलची पातळी वाढल्याने शरीराच्या काही भागात रक्ताभिसरणात अडथळे निर्माण होतात. परिणामी, अंगात थरकाप भरणे आणि काही प्रकरणात बधीरपणा जाणवतो. या परिस्थितीत उच्च कोलेस्ट्रॉल रक्तप्रवाहात रोख आणतो.

नखं पिवळी पडणे: शरीरात कोलेस्ट्रॉलची पातळी वाढली असेल, तर एक महत्वाचे लक्षण जे लगेच दिसून येते, ते म्हणजे नखांचा रंग पिवळा बदलणे. उच्च कोलेस्ट्रॉलमुळे नखांचा रंग बदलून पिवळा होऊ शकतो. हा संकेत शरीरातील खराब रक्त परिसंचरण असल्याचे सांगतो. उच्च कोलेस्ट्रॉलचे हे महत्वाचे लक्षण असून अशा परिस्थितीत डॉक्टरांचा सल्ला घ्यावा.

नखांना तडा जाणे: उच्च कोलेस्ट्रॉलच्या काही प्रकरणात नखांची वाढ थांबते. इतकेच नव्हे तर कोलेस्ट्रॉलची पातळी जसजशी वाढत जाते, तसतसा नखांचा रंग बदलत जातो आणि काही प्रकरणात नखांना तडा देखील जाते. अशावेळी डॉक्टरांकडून तपासणी करून उपचार सुरु करणे गरजेचे आहे.

(सोशल मीडियावरून साभार)