मुंबई: जिल्हा परिषद निवडणुकांच्या पार्श्वभूमीवर राज्याच्या राजकारणात मोठी घडामोड घडली आहे. शिवसेना शिंदे गटाची ताकद वाढण्याची शक्यता असून माजी आमदार व शेतकरी नेते शंकरअण्णा धोंडगे हे अख्ख्या पक्षासह शिवसेनेत विलीन होणार असल्याची जोरदार चर्चा सुरू झाली आहे. आगामी नांदेड जिल्हा परिषद निवडणुकीपूर्वी त्यांचा शिवसेनेत पक्षप्रवेश होण्याची शक्यता वर्तवली जात आहे.
मिळालेल्या माहितीनुसार, शंकरअण्णा धोंडगे यांनी नुकतीच मुंबईत उपमुख्यमंत्री तथा शिवसेना नेते एकनाथ शिंदे यांची भेट घेतली. या भेटीनंतर नांदेड जिल्ह्यासह मराठवाड्यातील राजकीय हालचालींना वेग आला आहे. धोंडगे यांचा महाराष्ट्र राज्य समिती (एमआरएस) हा पक्षदेखील शिवसेनेत विलीन होणार असल्याची माहिती समोर येत आहे.
सूत्रांच्या माहितीनुसार, एमआरएस पक्षाचे राज्यातील तब्बल २२ जिल्हाध्यक्ष शिवसेनेत प्रवेश करणार आहेत. त्यामुळे शिवसेना शिंदे गटाची संघटनात्मक ताकद वाढणार असल्याचे चित्र आहे. बीआरएसने विधानसभा निवडणुकीत महाराष्ट्रातून माघार घेतल्यानंतर शंकरअण्णा धोंडगे यांनी बीआरएसच्या धर्तीवर एमआरएस पक्षाची स्थापना केली होती.
शेतकरी चळवळीतून राजकारणाची सुरुवात केलेले शंकरअण्णा धोंडगे हे लोहा–कंधार विधानसभा मतदारसंघाचे माजी आमदार असून त्यांनी राष्ट्रवादी काँग्रेसकडून ही निवडणूक जिंकली होती. शेतकरी नेते म्हणून त्यांची राज्यभर ओळख आहे. त्यांच्या संभाव्य शिवसेना प्रवेशामुळे लोहा–कंधार विधानसभा मतदारसंघातील राजकीय समीकरणे बदलण्याची शक्यता असून जिल्हा परिषद निवडणुकीपूर्वी शिवसेनेची ताकद वाढण्याचे संकेत मिळत आहेत.
विद्यार्थ्यांना एआय, रोबोटिक्स, ड्रोन आणि थ्रीडी प्रिंटिंगचे मिळणार प्रात्यक्षिक शिक्षण; उच्च शिक्षणासाठी ठरणार उपयुक्त शिरूर…
पाणीगळती, पाणीचोरी आणि टँकरच्या काळाबाजारावर कारवाई होणार; पिण्याच्या पाण्याचा गैरवापर करणाऱ्यांचे नळजोड तोडणार! पुणे :…
न्हावरे (अक्षय टेमगिरे) शिरुर तालुक्यातील न्हावरा रोड येथे दुचाकीवरुन पडून गंभीर जखमी झालेल्या २६ वर्षीय…
न्हावरे (अक्षय टेमगिरे) : घराचा दरवाजा उघडा असल्याची संधी साधत अज्ञात चोरट्याने घरात प्रवेश करुन…
शिरूर (अरुणकुमार मोटे) : आंबळे (ता. शिरूर) येथील अखंड हरिनाम सप्ताहातील खोले महाराज यांचा कीर्तनाचा…
कारेगाव (तेजस फडके) : शिरुर तालुक्यात गुन्हेगारीचे प्रकार थांबण्याचे नाव घेत नसतानाच कारेगाव येथे एका…