संभाजीनगरमध्ये ‘ब्लॅकआऊट’चा सराव! कुठे व केव्हा होणार? जाणून घ्या…

संभाजीनगर: सध्याच्या आपत्कालीन परिस्थितीच्या पार्श्वभूमीवर छत्रपती संभाजीनगर शहरात रविवारी (११ मे) ब्लॅकआउट मॉक ड्रील होणार आहे. हा एक सराव असून घाबरण्याचं काहीही कारण नाही. नागरिकांनी सतर्क राहावं आणि प्रशासनाला सहकार्य करावं, असं आवाहन जिल्हाधिकारी दिलीप स्वामी आणि महावितरणचे मुख्य अभियंता पवनकुमार कछोट यांनी केलं आहे.

क्षेत्रनिहाय ब्लॅकआऊट वेळापत्रक

१) सायं. ७:३० ते ७:५० वाजेपर्यंत

विद्यानगर, विशाल नगर, न्यू हनुमाननगर, न्यू गणेशनगर, राममंदिर परिसर, मातोश्री नगर, तिरुमला सोसायटी, हुसेन कॉलनी, पुंडलिकनगर, हनुमाननगर, गणेशनगर

विद्युत भार: २२ मे.वॅट | ग्राहक: १६,९५३

२) रात्री ८:०० ते ८:२० वाजेपर्यंत

हर्सूल, जटवाडा रोड, भगतसिंग नगर, चेतनानगर, जहांगिर कॉलनी, अंबर हिल, हरी ओमनगर, एकतानगर

विद्युत भार: १० मे.वॅट | ग्राहक: १८,००0

३) रात्री ९:०० ते ९:२० वाजेपर्यंत

सातारा, नक्षत्रवाडी, गोलवाडी, कांचनवाडी, बीड बायपास रोड, देवळाई गाव परिसर, एमआयटी कॉलेज

विद्युत भार: २५ मे.वॅट | ग्राहक: २५,०००

नागरिकांसाठी महत्त्वाच्या सूचना

सायरन वाजल्यानंतर इन्व्हर्टर/जनरेटर बंद करा.

खिडक्यांचे पडदे लावून घरात अंधार करा.

रस्त्यावर असल्यास वाहन बंद करून बाजूला थांबा.

मोबाईलचा वापर टाळा, एकमेकांना हाक मारू नका.

वयोवृद्ध, लहान मुले व आजारी लोकांची काळजी घ्या.