मराठा आरक्षण रॅलीमुळे शहागड तुळजापूर पैठण शेवगाव वाहतूकित बदल नागरिकांनी घ्यावी नोंद

संभाजीनगर: मराठा आरक्षणाच्या मागणीसाठी श्री. मनोज जरांगे पाटील यांच्या नेतृत्वाखालील मराठा बांधव मोठ्या संख्येने २७ व २८ ऑगस्ट रोजी आंतरवली सराटी येथून मुंबईकडे जाणार आहे. या रॅलीमध्ये नांदेड, हिंगोली, परभणी, लातूर, धाराशिव, बीड व *छत्रपती संभाजीनगर* जिल्ह्यातील नागरिक मोठ्या प्रमाणावर चारचाकी व दुचाकी वाहनांसह सहभागी होणार असल्याने शहागड – तुळजापूर – पैठण – शेवगाव मार्गावरिल सर्व जड वाहनांची वाहतूक २७ ऑगस्ट रोजी रात्री १२.०१ वाजेपासून ते २८ ऑगस्ट रोजी सकाळी ६.०० वाजेपर्यंत पर्यायी मार्गाने वळविण्यात आली आहे.

बदललेले मार्ग

छत्रपती संभाजीनगर ➝ बिडकीन ➝ पैठण ➝ शेवगावकडे जाणारी 🚛 वाहने याऐवजी ➝ छत्रपती संभाजीनगर ➝ वाळुज ➝ गंगापुर ➝ नेवासा ➝ शेवगावकडे जातील

शेवगाव ➝ पैठण ➝ बिडकीन ➝ छत्रपती संभाजीनगर येणारी 🚛 वाहने याऐवजी ➝ शेवगाव ➝ नेवासा ➝ गंगापुर ➝ वाळुज ➝ छत्रपती संभाजीनगरकडे येतील

शहागड ➝ हिरडपुरी ➝ तुळजापूर ➝ नवगाव ➝ पैठणकडे जाणारी 🚛 वाहने याऐवजी ➝ शहागड ➝ डोणगाव ➝ पाचोड ➝ पैठणकडे जातील

पैठण ➝ नवगाव ➝ तुळजापूर ➝ हिरडपुरी ➝ शहागडकडे जाणारी 🚛 वाहने याऐवजी ➝ पैठण ➝ पाचोड ➝ डोणगाव ➝ शहागडकडे जातील. कृपया वाहनधारक व नागरिकांनी दिलेल्या सूचनांचे पालन करावे. आपला थोडासा सहकार्य वाहतूक व्यवस्थेला मोठा दिलासा ठरेल.