मुंबई: आंतरराष्ट्रीय बाजारात कच्च्या तेलाच्या किमतीत पुन्हा एकदा घसरण झाली असली, तरी देशातील पेट्रोल आणि डिझेलच्या दरांमध्ये कोणताही बदल करण्यात आलेला नाही. इराण-अमेरिका चर्चेच्या शक्यतेमुळे जागतिक बाजारात कच्च्या तेलाच्या किमती नरमल्या आहेत. मात्र, भारतीय तेल कंपन्यांनी बुधवारी सकाळी ६ वाजता जाहीर केलेल्या नव्या दरांनुसार इंधनाचे दर स्थिरच ठेवले आहेत.
मुंबईमध्ये पेट्रोलचा दर ₹111.21 प्रति लिटर, तर डिझेलचा दर ₹97.83 प्रति लिटर इतकाच कायम आहे. IOCL, BPCL आणि HPCL या सरकारी तेल कंपन्या आंतरराष्ट्रीय कच्च्या तेलाच्या 15 दिवसांच्या सरासरी किमतीच्या आधारे दररोज इंधनाच्या किमतींचा आढावा घेतात. तरीही गेल्या अनेक महिन्यांपासून किरकोळ दरांमध्ये कोणताही बदल करण्यात आलेला नाही.
दरम्यान, मध्य पूर्वेतील तणाव कमी होण्याच्या शक्यतेमुळे आणि अमेरिका-इराण चर्चेच्या घडामोडींमुळे कच्च्या तेलाच्या किमती घसरल्या आहेत. त्यामुळे देशांतर्गत पेट्रोल-डिझेलचे दर कमी होतील, अशी वाहनचालकांची अपेक्षा आहे.
याचवेळी केंद्र सरकारने पेट्रोल, डिझेल आणि एअर टर्बाइन फ्युएलवरील करांमध्ये वाढ केली आहे. पेट्रोलवरील निर्यात शुल्क प्रति लिटर ₹2.5 वरून ₹3.5 करण्यात आले असून हा निर्णय तात्काळ लागू झाला आहे. तसेच डिझेल निर्यातीवरील एकूण शुल्क वाढवून ₹25.5 प्रति लिटर करण्यात आले आहे. त्यामुळे आंतरराष्ट्रीय बाजारात कच्चे तेल स्वस्त झाले असले तरी देशांतर्गत इंधनाच्या किमती कमी होण्याची शक्यता सध्या कमी असल्याचे चित्र आहे.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…