कल्याण : कल्याण पश्चिम येथील डॉ. बाबासाहेब आंबेडकर उद्यानासाठी वाढीव जागा मिळावी यासाठी प्रयत्न करणाऱ्या सामाजिक कार्यकर्ते व नेत्यांचे अभिनंदन करतानाच, उद्यानालगतच्या जागेवर उपजिल्हा मध्यवर्ती रुग्णालय उभारण्याची मागणी ज्येष्ठ सामाजिक कार्यकर्ते नोवेल साळवे यांनी केली आहे.
कल्याण-डोंबिवली महापालिका क्षेत्रातील सर्वसामान्य नागरिकांना आरोग्यसेवा मिळवताना मोठ्या अडचणींचा सामना करावा लागत आहे. त्यामुळे या ठिकाणी शासकीय उपजिल्हा मध्यवर्ती रुग्णालय उभारल्यास नागरिकांना उपचारासाठी मुंबईकडे धाव घेण्याची गरज कमी होईल, असे साळवे यांनी म्हटले आहे.
डॉ. बाबासाहेब आंबेडकर यांच्या नावाने असलेल्या उद्यानाच्या जागेबाबत कुणाचाही विरोध असण्याचे कारण नाही. मात्र, या जागेच्या बाजूची जागा रुग्णालयासाठी उपलब्ध करून दिल्यास त्याचा लाभ सर्व जाती-धर्मातील नागरिकांना होईल. मानवतेच्या दृष्टिकोनातून हा निर्णय घेणे हीच डॉ. बाबासाहेब आंबेडकरांना खरी आदरांजली ठरेल, अशी भूमिका साळवे यांनी मांडली.
“डॉ. बाबासाहेब आंबेडकर आज असते तर त्यांनी उद्यानापेक्षा सर्वसामान्य नागरिकांना उपचार मिळतील अशा रुग्णालयाला प्राधान्य दिले असते,” असे मतही त्यांनी व्यक्त केले.
आंबेडकरांच्या विचारांची प्रेरणा घेऊन कल्याणमध्ये शासकीय उपजिल्हा मध्यवर्ती रुग्णालय उभारण्यासाठी सर्व सामाजिक कार्यकर्ते, नेते आणि नागरिकांनी एकत्रितपणे प्रयत्न करावेत, असे आवाहन नोवेल साळवे यांनी केले आहे.
आपल्या वयानुसार शरीरात विविध शारीरिक बदल होतात आणि पचनसंस्थेचाही त्यात समावेश आहे. हे बदल पचनक्रियेवर…
आयुर्वेदात आवळा हे काही उत्तम फळांपैकी एक फळ मानले जाते. आवळ्याचे जूस पिल्याने आरोग्याशी संबंधित…
दुष्काळग्रस्त शेतकऱ्यांच्या मदतीसाठी नवरात्र मंडळांनी पुढाकार घ्यावा; टेंभी नाक्याच्या देवीसमोर शेतकऱ्यांसाठी साकडे ठाणे: महाराष्ट्रातील दुष्काळग्रस्त…
नागपूर घोषणापत्र जाहीर; १८ राज्यांतील ओबीसी संघटनांची एकजूट, ‘नॅशनल ओबीसी न्याय मोर्चा’ची स्थापना नागपूर: जनगणनेत…
बारामती: श्री सोमेश्वर सहकारी साखर कारखान्याच्या पंचवार्षिक निवडणूक २०२६ च्या पार्श्वभूमीवर महाराष्ट्राच्या उपमुख्यमंत्री सुनेत्रा अजितदादा…
न्हावरे (तेजस फडके): इनामगाव (ता.शिरुर) येथे शेतजमिनीतून दोन विद्युत मोटारी चोरीला गेल्याची घटना उघडकीस आली…