तुफान व्हायरल! मुलाच्या आधार कार्डवर फोटो चक्क देवेंद्र फडणवीस यांचा फोटो…

चंद्रपूर : चंद्रपूर जिल्ह्यातील सात वर्षाच्या मुलांच्या आधारकार्डवर चक्क राज्याचे उपमुख्यमंत्री देवेंद्र फडणवीस यांचा फोटो असल्याचा अजब प्रकार समोर आला आहे. हा प्रकार समोर आल्यानंतर आता हे आधार कार्ड चर्चेत आले आहे.

चंद्रपुरातील जिगल सावसाकडे हा सिंदेवाही तालुक्यातील विरव्हा या गावातील रहिवासी आहे. त्याचा जन्म त्याच्या आजोळी म्हणजे चिमूर तालुक्यातील शिवरा या गावात झाला. त्याच्या आईने गावाजवळ असलेल्या शंकरपूर येथे त्याचे आधार कार्ड काढले. मात्र, हे आधार कार्ड जेव्हा घरी आले तेव्हा त्यावर देवेंद्र फडणवीस यांचा फोटो होता. यानंतर जिगलच्या कुटुंबियांनी हा फोटो बदलून घेण्यासाठी आधार केंद्र गाठले. मात्र, हे उघडकीस येताच प्रशासनाने आपली चूक दुरुस्त केली. सोबतच ही गंभीर चूक करणाऱ्या एजन्सी बाबत चौकशी करून कारवाई करणार असल्याचे सांगितलं आहे.

चंद्रपूर जिल्हा प्रशासनाने याबाबत हास्यास्पद कारण दिले आहे. चिमूरच्या तहसीलदारांनी सांगितल्या की, जिगल सावसाकडे या मुलाचा फोटो काढताना त्याच्या मागे फडणवीस यांचे पोस्टर होते आणि फोटो काढताना मुलगा हलल्याने चुकून फडणवीस यांचा फोटो आधार कार्डवर आला. मात्र, यावर प्रशासनाने कोणतीही अधिकृत प्रतिक्रिया दिली नाही. दुसरीकडे हे प्रकरण उघडकीस येताच प्रशासनाने तातडीने जिगल सावसाकडे असलेल्या आधार कार्डमध्ये बदल करून त्याचा फोटो लावला आहे.