औरंगाबाद: पैठण ते छत्रपती संभाजीनगर रोडवरील मंगळवारी सायंकाळी नक्षत्रवाडी परिसरात भरधाव वेगाने जाणाऱ्या दोन हायवा, एक मोटारसायकल आणि कार अशा चार वाहनांच्या झालेल्या भीषण अपघातात पिता-पुत्राचा मृत्यू झाल्याची घटना घडली असून पैठण येथील शिक्षक संजय सुखदेव दहिफळे आणि त्यांचा 13 वर्षीय मुलगा यांचा जागीच मृत्यू झाला, तर पत्नी कौशल्या दहिफळे गंभीर जखमी असल्याची माहिती मिळाली आहे.
चार वाहनांमध्ये झालेल्या या विचित्र अपघातात मोटार सायकल दोन वाहनांच्यामध्ये आली होती. या विचित्र अपघाताची माहिती मिळताच पोलीस घटनास्थळी दाखल झाले. त्यांनी तातडीने जखमी कौशल्या दहिफळे उपचारासाठी रुग्णालयात दाखल केले. दहिफळे हे दांपत्य सासरवाडीला जात असताना हा काळाने त्यांच्यावर घाला घातला या घटनेमुळे परिसरात हळहळ व्यक्त केली जात आहे.
कसा झाला अपघात?
सायंकाळी ५.३० वाजेच्या सुमारास हे कुटुंब नक्षत्रवाडी परिसरातून दुचाकीवरून जात होते. एवढ्यात सुसाट वेगाने जाणाऱ्या हायवाने त्यांना उडवले. यात संजय यांची दुचाकी समोर असलेल्या दुसऱ्या हायवाला घडकली. ही धडक एवढ्या वेगाने होती की दुचाकी हायवाच्या चाकाखाली गेली. संजय आणि त्यांचा मुलगा समर्थ हे चाकाखाली आल्याने त्यांच्या डोक्याचा चेंदामेंदा झाला. तर कौशल्या लांब फेकल्या गेल्या.
हायवाने आधी कारला धडक दिली…
निरीक्षक प्रशांत पोतदार यांनी दिलेल्या माहितीनुनसार, सदर हायवाने दुचाकीला धडक देण्यााघी महिला चालवत असलेल्या कारलाही धडक दिली. त्यामुळे त्याने खूप वेगाने विरुद्ध दिशेला हायवा वळवला. त्यातच संतोष यांची दुचाकी चाकाखाली गेली. त्यानंतर हाच हायवा समोरील हायवाला जाऊन धडकला.
परिसरात हळहळ
पैठण रोडवर वेगाने जाणाऱ्या हायवांमुळे दैनंदिन प्रवास करणारे नागरिक त्रस्त झाले आहेत. बहुतांश हायवांचा वेग मर्यादेपेक्षा जास्त असतो. त्यातच वळणा-वळणाचा हा रस्ता असल्याने अपघातांच्या घटना वारंवार घडतात. अवैध वाळू वाहतूक करणाऱ्या हायवांमुळे शिक्षकाचं अख्खं कुटुंबच संपवल्याची ही घटना घडली. यामुळे परिसरात हळहळ व्यक्त होत आहे.
मोदी-शाह यांनी काँग्रेस नेत्यांबद्दल वापरलेल्या भाषेची आठवण करून देत सपकाळांचा भाजपावर निशाणा मुंबई: काँग्रेसचे राष्ट्रीय अध्यक्ष…
दुष्काळग्रस्त शेतकऱ्यांच्या पाठीशी सरकार; हरसूलमध्ये १० हजार कुटुंबांना दिवाळी शिधावाटप नाशिक: राज्यातील दुष्काळग्रस्त शेतकऱ्यांकडून सक्तीने…
उपमुख्यमंत्री एकनाथ शिंदे यांचा प्रशासनाला इशारा; नाशिक कुंभमेळ्याच्या तयारीचाही घेतला आढावा नाशिक : राज्यातील दुष्काळी…
गंगापूर रस्त्याचे भूमिपूजन; अभियांत्रिकी महाविद्यालयाच्या नवीन वसतिगृहाचे उद्घाटन नाशिक: पायाभूत सुविधा आणि शिक्षण क्षेत्रातील विकासकामांच्या माध्यमातून…
शिरूर (तेजस फडके): शिरुर तालुक्यात अवैध दारु विक्री विरोधात पोलिसांनी जोरदार कारवाया सुरु केल्या असुन…
न्हावरे (अक्षय टेमगिरे) : एका गैरसमजातून झालेल्या वादातून तरुणाला लाकडी काठीने मारहाण करुन जखमी केल्याची…