1 गुंठा जमीनीची खरेदी विक्री करणे शक्य

हिवाळी अधिवेशनात विधेयक मंजूर, शेतकऱ्यांना होणार मोठा फायदे 

राज्य सरकारच्या नवीन सुधारित कायद्याने शेतकऱ्यांना आणि नागरिकांना मोठा दिलासा दिला आहे. आता 1 गुंठा जमीन खरेदी-विक्री करण्याचा मार्ग मोकळा झाला आहे, ज्यामुळे अनेक महत्वाकांक्षा आणि गरजा पूर्ण होतील.

1 गुंठा जमिनीच्या खरेदी-विक्रीतील फायदे

शेतीसाठी अधिक सुविधा

तुकडेबंदी कायद्यातील बदलांमुळे शेतकरी आता विहिरीसाठी, शेततळ्यासाठी किंवा रस्त्यासाठी सहज जमिनीची खरेदी करू शकतील. यामुळे शेतीची उत्पादकता आणि पाणी व्यवस्थापन सुधारेल.

घरकुल योजनेतून घरे बांधण्याचा मार्ग मोकळा

घरकुल योजनेतून आता 1-2 गुंठे जमीन खरेदी करून लहान घरे बांधता येतील. ज्यांना घर बांधण्यासाठी जागा मिळत नव्हती, त्यांना या निर्णयामुळे दिलासा मिळेल.

शेतरस्ता निर्माण सोपा

शेतकऱ्यांना शेतीपर्यंत पोहोचण्यासाठी आता 1 गुंठ्याची जमीन खरेदी करून रस्ता बनवता येईल. यामुळे शेतीकामे सुलभ होतील आणि वाहतुकीचा प्रश्न सुटेल.

पाणी साठवण आणि व्यवस्थापन

शेततळ्यांसाठी आता जमिनीचा तुकडा सहज खरेदी करता येणार आहे, ज्यामुळे शेतीला आवश्यक पाणी साठवण सोपी होईल. हे बदल शेतकऱ्यांच्या दृष्टीने मोठे फायदेशीर ठरतील.

प्रक्रिया आणि शुल्क

1) बाजारमूल्याच्या फक्त 5% शुल्क भरून 1 गुंठ्याची खरेदी किंवा विक्री शक्य.

2) प्रक्रिया सुलभ करून शासकीय योजनेच्या निकषांनुसार मंजुरी दिली जाईल.

3) जमीन खरेदी-विक्रीला राज्य सरकारची मंजुरी असल्यामुळे कायदेशीर अडथळे दूर होतील.

कायद्याचा उद्देश

राज्य सरकारने घेतलेला हा निर्णय शेतकऱ्यांच्या गरजांना प्राधान्य देणारा असून यामुळे लहान भूखंडांचा उपयोग वाढेल.  शेती आणि ग्रामविकासाला चालना मिळेल.  शेतकऱ्यांच्या समस्या कमी होऊन, त्यांचे उत्पन्न वाढण्यास मदत होईल.

नवीन कायदा शेतकऱ्यांसाठी क्रांतिकारक ठरेल 

हा निर्णय शेतकऱ्यांच्या जीवनशैलीत सकारात्मक बदल घडवणारा* आहे. यामुळे लहान शेतकरी आणि भूमीधारकांना अधिक सक्षम होण्यास मदत होईल. आता 1 गुंठा जमिनीच्या खरेदी-विक्रीसाठी सरकारने दारे उघडली आहेत. ही  सुधारणा शेतकरी आणि सामान्य जनतेच्या दृष्टीने सुवर्णसंधी ठरेल.