‘लोकल टू ग्लोबल’! खासदार डॉ. श्रीकांत शिंदे यांचा हार्वर्डमधील अभ्यास दौरा प्रेरणादायी

मुंबई: Dr. Shrikant Eknath Shinde यांनी अमेरिकेतील Harvard Kennedy School येथे आयोजित अभ्यासदौऱ्यात सहभागी होत “लोकल टू ग्लोबल” या दृष्टिकोनाला बळ दिले आहे. या दौऱ्यात त्यांनी “Strategies for Inclusive Growth” या विशेष कार्यक्रमात सहभाग घेतला.

जागतिक स्तरावर सार्वजनिक धोरण, प्रशासन आणि नेतृत्व विकासासाठी ओळखल्या जाणाऱ्या हार्वर्ड केनेडी स्कूलमध्ये डॉ. शिंदे यांनी Public Policy, Governance आणि Leadership या क्षेत्रांतील आपली समज अधिक व्यापक केली. या शिक्षणामुळे त्यांच्या नेतृत्वशैलीत आधुनिकता आणि सर्वसमावेशकतेचा दृष्टिकोन अधिक मजबूत झाल्याचे दिसून येत आहे.

“Strategies for Inclusive Growth” या कार्यक्रमाचा मुख्य उद्देश आर्थिक वाढ समाजातील सर्व स्तरांपर्यंत पोहोचवणे, सामाजिक-आर्थिक विषमता कमी करणे आणि रोजगार व शिक्षणाच्या संधी सर्वांसाठी उपलब्ध करून देणे हा आहे. या अनुभवातून डॉ. शिंदे यांनी समावेशक विकासाची संकल्पना आत्मसात केली असून, भारतासारख्या विविधतेने नटलेल्या देशासाठी ही दृष्टी महत्त्वाची ठरणार आहे.

या अभ्यासदौऱ्यामुळे भविष्यातील धोरणनिर्मितीत अधिक परिणामकारकता येईल, तसेच समाजातील दुर्बल घटकांच्या गरजा ओळखून विकास अधिक संतुलित करण्यास मदत होईल, असा विश्वास व्यक्त केला जात आहे.युवा पिढीसाठीही हा प्रवास प्रेरणादायी ठरत असून, मोठी स्वप्ने पाहणे, सतत शिकत राहणे आणि समाजासाठी कार्य करण्याची जाणीव ठेवणे हा संदेश या माध्यमातून दिला गेला आहे.