मुंबई : टाटा समूहाबाबत आज मोठी बातमी समोर आली आहे. टाटा सन्सचे अध्यक्ष एन. चंद्रशेखरन यांनी अध्यक्षपदावरून राजीनामा दिला असून, त्यांचा सध्याचा कार्यकाळ पूर्ण झाल्यानंतर ते पुनर्नियुक्तीसाठी अर्ज करणार नसल्याचे स्पष्ट झाले आहे. त्यांचा विद्यमान कार्यकाळ फेब्रुवारी 2027 मध्ये संपणार आहे.
चंद्रशेखरन यांनी 12 ऑगस्ट रोजी टाटा सन्सच्या संचालक मंडळाला आपल्या निर्णयाची माहिती दिली. 18 ऑगस्ट रोजी कंपनीची वार्षिक सर्वसाधारण सभा (AGM) होणार आहे. या सभेपूर्वीच त्यांचा हा निर्णय समोर आल्याने टाटा समूहाच्या भविष्यातील नेतृत्वाबाबत चर्चांना वेग आला आहे.
चंद्रशेखरन यांच्या संचालक म्हणून पुनर्नियुक्तीचा मुद्दा यंदाच्या AGMमध्ये महत्त्वाचा ठरणार होता. मात्र, त्यांच्या पुढील कार्यकाळाबाबत टाटा सन्स आणि टाटा ट्रस्ट्समध्ये मागील काही महिन्यांपासून मतभेद असल्याचे वृत्त आहे. टाटा ट्रस्ट्सचे अध्यक्ष नोएल टाटा यांनी समूहातील काही व्यवसायांच्या कामगिरीबाबत आणि भविष्यातील धोरणांबाबत चिंता व्यक्त केल्याचेही समोर आले आहे.
फेब्रुवारी 2026 मध्ये चंद्रशेखरन यांच्या पुनर्नियुक्तीचा निर्णय पुढे ढकलण्यात आला होता. त्यानंतर त्यांच्या पुढील कार्यकाळाबाबत अनिश्चितता निर्माण झाली होती. टाटा ट्रस्ट्सकडे टाटा सन्समध्ये सुमारे 66 टक्के हिस्सा असल्याने या मतभेदांना विशेष महत्त्व प्राप्त झाले.
एन. चंद्रशेखरन यांनी 2017 मध्ये टाटा सन्सच्या अध्यक्षपदाची जबाबदारी स्वीकारली होती. त्यांच्या नेतृत्वाखाली टाटा समूहाने विमान वाहतूक, इलेक्ट्रॉनिक्स, सेमीकंडक्टर आणि डिजिटल व्यवसायांसह विविध क्षेत्रांमध्ये मोठ्या विस्तारावर भर दिला. आता त्यांच्या निर्णयामुळे टाटा समूहाच्या पुढील नेतृत्वाची निवड हा महत्त्वाचा विषय ठरणार आहे.
दरम्यान, चंद्रशेखरन यांच्या निर्णयानंतर टाटा समूहातील काही कंपन्यांच्या शेअर्समध्ये दबाव दिसून आला. विशेषतः टाटा कन्सल्टन्सी सर्व्हिसेसच्या (TCS) शेअरमध्ये घसरण नोंदवण्यात आली. त्यामुळे या राजीनाम्याचा बाजारावरही परिणाम झाल्याचे दिसत आहे.फेब्रुवारी 2027 नंतर टाटा समूहाची धुरा कोणाच्या हाती जाणार, याकडे आता उद्योगविश्वाचे लक्ष लागले आहे.
मुंबई: निवडणूक आयोगाच्या कारभारावर गंभीर आरोप करत काँग्रेसने मुख्य निवडणूक आयुक्त ज्ञानेश कुमार यांच्या बडतर्फी…
एकत्र आणि मोठे कुटुंब असणे ही केवळ संख्येची बाब असते; मात्र त्या मोठ्या कुटुंबातील माणसांची…
मुंबई: खरीप २०२६ हंगामातील पर्जन्यमानातील तूट आणि अन्य दुष्काळी निकषांच्या आधारे राज्यातील तब्बल २६५ तालुक्यांमध्ये…
मुंबई: महाराष्ट्र विधान परिषद निवडणुकांचा कार्यक्रम जाहीर झाल्यानंतर काँग्रेसने निवडणुकीची तयारी सुरू केली आहे. अमरावती विभाग…
चंद्रपूर: राज्य सरकारने दुष्काळ दौऱ्याचा मोठा गाजावाजा केला. मुख्यमंत्री आणि मंत्र्यांनी शेतकऱ्यांना दिलासा देण्याची आश्वासने…
मुंबई: राज्यातील ७५ टक्के भागात सरकारने दुष्काळ जाहीर केला असला तरी शेतकऱ्यांना ठोस आणि भरीव…