महाराष्ट्र

महापुरुषांच्या साहित्याच्या पुनर्मुद्रणाला गती; संशोधनाधिष्ठित साहित्यनिर्मितीवर भर; चंद्रकांतदादा पाटील

मुंबई: समाज परिवर्तनासाठी थोर महापुरुषांच्या जीवनकार्याचे सखोल संशोधन होणे गरजेचे असून, चरित्र-साधने प्रकाशन समित्यांनी समाजोपयोगी व संशोधनाधिष्ठित साहित्यनिर्मितीला प्राधान्य द्यावे, असे प्रतिपादन उच्च व तंत्र शिक्षण मंत्री चंद्रकांतदादा पाटील यांनी केले.

डॉ. होमी भाभा राज्य विद्यापीठ येथे साहित्यरत्न लोकशाहीर अण्णाभाऊ साठे आणि महात्मा जोतिराव फुले चरित्र-साधने प्रकाशन समितीच्या आढावा बैठकीत ते बोलत होते. बैठकीला उच्च शिक्षण संचालक डॉ. शैलेंद्र देवळाणकर, सहसंचालक अर्चना बोऱ्हाडे तसेच दोन्ही समित्यांचे सदस्य उपस्थित होते.

बैठकीत अण्णाभाऊ साठे यांच्या साहित्याची महाराष्ट्रासह देशभरात मोठी मागणी असून उपलब्ध खंड संपल्यामुळे पुनर्मुद्रणाची गरज अधोरेखित करण्यात आली. यानुसार यापूर्वी प्रकाशित सातही खंडांचे पुनर्मुद्रण करून नव्याने प्रकाशन करण्यास मान्यता देण्यात आली.

तसेच अण्णाभाऊ साठे यांच्या कथा, कादंबऱ्या आणि इतर साहित्यावर आधारित स्वतंत्र स्वरूपातील दहा ग्रंथांचे प्रकाशन त्यांच्या १०७ व्या जयंतीनिमित्त १ ऑगस्ट २०२६ रोजी करण्याचा निर्णय घेण्यात आला.

मुंबई विद्यापीठाच्या साहित्यरत्न अण्णाभाऊ साठे अध्यासन केंद्राने गेल्या पाच वर्षांत अण्णाभाऊ साठे यांच्या संपूर्ण साहित्याचे ६५ ग्रंथ विविध भाषांमध्ये भाषांतरित केले आहेत. यामध्ये गुजरातीतील १५, हिंदीतील १५, इंग्रजीतील ३१, इंग्रजीतून रशियनमधील ३ आणि तमिळमधील २ ग्रंथांचा समावेश आहे. हे भाषांतरित साहित्य देश-विदेशातील वाचकांपर्यंत प्रभावीपणे पोहोचावे यासाठी संबंधित भाषांतील नामांकित प्रकाशकांमार्फत उच्च दर्जाच्या छपाईसह प्रकाशन करण्याबाबतही सकारात्मक चर्चा झाली.

महात्मा जोतिराव फुले आणि साहित्यरत्न लोकशाहीर अण्णाभाऊ साठे यांच्या वैचारिक साहित्याचा व्यापक प्रसार करून नव्या पिढीपर्यंत त्यांचे विचार पोहोचविण्यासाठी पुनर्मुद्रण, नवीन साहित्यनिर्मिती, भाषांतरे आणि प्रकाशन या उपक्रमांना अधिक गती दिली जाणार असल्याचे मंत्री चंद्रकांतदादा पाटील यांनी स्पष्ट केले.

शिरूर तालुका टीम

Recent Posts

जलद गतीच्या व्यायामांमुळे रक्तातील साखर वाढू शकते?

चालणे, योगासन करणे आणि जास्त हालचालींचे बहुतेक प्रकार शरीराला ग्लुकोजचे चांगले नियमन करण्यास मदत करतात.…

2 तास ago

घरच्या घरी ब्लड प्रेशर कसे तपासावे

सध्याच्या धावपळीच्या आयुष्यात आपण आरोग्याकडे आणि आहाराकडे दुर्लक्ष करतो, त्यामुळे अनेक आरोग्याच्या समस्या वाढताना दिसत…

2 तास ago

मनात विचारांचं काहूर, सतत चिडचिड होते? तुम्हालाही स्ट्रेस छळतोय ना, वाचा ४ सोपे उपाय

आपले मन आणि शरीर निरोगी असणं फार गरजेचे आहे. शारीरिक आरोग्यासह मानसिक आरोग्य जपायला हवे.…

15 तास ago

पाणी पिण्याची योग्य पद्धत

पाणी हे संपूर्ण आहारातील अतिशय महत्त्वाचा घटक असतो. शरीराचा ७० टक्के भाग हा पाण्याने व्यापलेला…

15 तास ago

थापाडे कोण, हे महाराष्ट्राला ठाऊक! एकनाथ शिंदेंचा उद्धव ठाकरेंवर घणाघात

अमित शाह यांच्यावरील टीकेला शिंदेंचे प्रत्युत्तर; शेतकरी प्रश्नांवरूनही विरोधकांना सुनावले मुंबई : केंद्रीय गृहमंत्री अमित शाह…

15 तास ago

सात दशकांच्या अभिनय प्रवासातील आठवणींना उजाळा; ‘चित्रपताका’मध्ये ज्येष्ठ अभिनेत्री शुभा खोटेंच्या गप्पांनी रंगली मैफल!

‘क्वीन ऑफ द कॉमेडी... गप्पा शुभा खोटेंशी!’ या विशेष मुलाखतीत उलगडला हिंदी चित्रपटसृष्टीतील सुवर्णकाळ; मेहमूद,…

16 तास ago