गुवाहाटीतील राष्ट्रवादी काँग्रेस कार्यालयाला सुनेत्रा पवारांची भेट; ईशान्येत पक्षबांधणीवर भर

गुवाहाटी: आसामचे मुख्यमंत्री Himanta Biswa Sarma यांच्या शपथविधी सोहळ्यानिमित्त गुवाहाटी दौऱ्यावर असलेल्या राष्ट्रवादी काँग्रेस पक्षाच्या राष्ट्रीय अध्यक्षा आणि उपमुख्यमंत्री Sunetra Ajit Pawar यांनी गुवाहाटी येथील राष्ट्रवादी काँग्रेस पक्षाच्या कार्यालयाला भेट दिली.

गुवाहाटी येथे आगमनानंतर सुनेत्रा पवार यांनी आसामचे माजी मुख्यमंत्री आणि राष्ट्रवादी काँग्रेस पक्षाच्या वैचारिक वारशातील महत्त्वाचे नेते दिवंगत Sharatchandra Sinha यांच्या पुतळ्याला अभिवादन केले. यावेळी राज्यसभा खासदार Parth Pawar, राष्ट्रवादी काँग्रेस पक्षाचे राष्ट्रीय सरचिटणीस अविनाश आदिक यांच्यासह अनेक पदाधिकारी उपस्थित होते.

यामध्ये राष्ट्रवादी काँग्रेस पक्षाचे राष्ट्रीय युवा अध्यक्ष धीरज शर्मा, ईशान्य समन्वयक संजय प्रजापती, राष्ट्रीय कार्यकारिणी सदस्य डी. डी., आसाम प्रदेशाध्यक्ष अजित हजारिका, कार्याध्यक्ष महेंद्र भुयान, राष्ट्रवादी युवक काँग्रेसचे आसाम प्रदेशाध्यक्ष अनुपाल दास आणि राष्ट्रीय सचिव विष्णू प्रसाद दास यांच्यासह मोठ्या संख्येने कार्यकर्त्यांचा सहभाग होता.

पक्ष कार्यालयात झालेल्या संवादादरम्यान सुनेत्रा पवार यांनी पदाधिकारी, कार्यकर्ते आणि महिलांशी संवाद साधत संघटन बळकटीवर भर दिला. त्यांनी पक्षाचा विचार आणि संघटनात्मक वारसा देशभर पोहोचवण्याचा निर्धार व्यक्त केला.

यावेळी खासदार पार्थ पवार यांनी युवक कार्यकर्ते आणि पदाधिकाऱ्यांशी संघटनात्मक विषयांवर चर्चा केली. ईशान्य भारतासह आसाममध्ये राष्ट्रवादी काँग्रेस पक्षाचे अस्तित्व अधिक मजबूत करण्यासाठी पक्ष कार्यरत असून आगामी निवडणुकांमध्ये पक्ष महत्त्वपूर्ण भूमिका बजावेल, असा विश्वास त्यांनी व्यक्त केला.