पुणे : बहिण-भावाच्या पवित्र नात्याचा सण असलेल्या रक्षाबंधनाच्या आदल्या दिवशी पुण्यातील वाकड परिसरात ३२ वर्षीय विवाहितेचा संशयास्पद मृत्यू झाल्याने खळबळ उडाली आहे. शिल्पा सचिन गवारे असे मृत विवाहितेचे नाव आहे. सासरच्या मंडळींकडून होणाऱ्या शारीरिक आणि मानसिक छळाला कंटाळून तिचा मृत्यू झाल्याचा गंभीर आरोप माहेरच्यांनी केला आहे.
शिल्पा यांचा विवाह वाकड परिसरातील गवारे कुटुंबात झाला होता. लग्नानंतर काही काळातच सासरच्या मंडळींकडून त्यांचा छळ सुरू झाल्याचे माहेरच्यांचे म्हणणे आहे. माहेरच्या मालमत्तेतील हिस्सा घेऊन येण्यासाठी त्यांच्यावर दबाव टाकला जात होता. याच कारणावरून त्यांना मारहाण आणि शिवीगाळ केली जात असल्याचा आरोपही करण्यात आला आहे.
‘माझी बहीण असं टोकाचं पाऊल उचलणार नाही’; भावाचा आक्रोश
शिल्पा यांच्या मृत्यूची माहिती समोर आल्यानंतर त्यांच्या भावाने तीव्र दुःख व्यक्त करत सासरच्या छळाबाबत गंभीर आरोप केले. शिल्पा अत्यंत संयमी होती. ती स्वतःहून असं टोकाचं पाऊल उचलणार नाही, त्यामुळे नेमकं काय घडलं याचा तपास झाला पाहिजे, अशी भूमिका भावाने मांडली.
भावाच्या आरोपानुसार, शिल्पा यांचे पती सचिन गवारे दारूच्या नशेत त्यांना मारहाण करत होते. मृत्यूच्या काही दिवस आधीही शिल्पा यांच्या डोक्यात इस्त्री मारल्याचा आरोप करण्यात आला आहे. यापूर्वीही त्यांना इस्त्रीचे चटके दिल्याचा दावा माहेरच्यांनी केला आहे.
‘मला शेवटपर्यंत भाऊ-बहिणीचं नातं जपायचंय…’
मालमत्तेच्या वादाबाबत बोलताना शिल्पा यांनी आपल्याशी केलेल्या संवादाचा उल्लेख त्यांच्या भावाने केला. ‘भाऊ, तू जिथे सांगशील तिथे मी सही देते. मला सासरच्यांचं ऐकायचं नाही. मला शेवटपर्यंत आपलं भाऊ-बहिणीचं नातं जपायचंय,’ असे शिल्पा म्हणाल्या होत्या, असा दावा भावाने केला.रक्षाबंधनाच्या काही तास आधीच बहिणीचा मृत्यू झाल्याने भावाने व्यक्त केलेला हा आक्रोश मन हेलावून टाकणारा ठरला आहे.
सासरच्या तिघांवर कारवाईची मागणी
या घटनेनंतर शिल्पा यांच्या माहेरच्या नातेवाईकांनी पती सचिन गवारे, सासरे उत्तम गवारे आणि सासू संजीवनी गवारे यांच्यावर कठोर कारवाई करण्याची मागणी केली आहे. या प्रकरणाचा पोलीस तपास सुरू असून, शिल्पा यांच्या मृत्यूमागील नेमके कारण आणि माहेरच्यांनी केलेल्या आरोपांची सत्यता तपासल्यानंतरच संपूर्ण चित्र स्पष्ट होणार आहे.
शिरुर (तेजस फडके) सर्वसामान्य नागरिक आपल्या आयुष्यभराच्या कमाईतून थोडी थोडी रक्कम साठवून ती सुरक्षित राहावी…
आपल्या वयानुसार शरीरात विविध शारीरिक बदल होतात आणि पचनसंस्थेचाही त्यात समावेश आहे. हे बदल पचनक्रियेवर…
आयुर्वेदात आवळा हे काही उत्तम फळांपैकी एक फळ मानले जाते. आवळ्याचे जूस पिल्याने आरोग्याशी संबंधित…
दुष्काळग्रस्त शेतकऱ्यांच्या मदतीसाठी नवरात्र मंडळांनी पुढाकार घ्यावा; टेंभी नाक्याच्या देवीसमोर शेतकऱ्यांसाठी साकडे ठाणे: महाराष्ट्रातील दुष्काळग्रस्त…
नागपूर घोषणापत्र जाहीर; १८ राज्यांतील ओबीसी संघटनांची एकजूट, ‘नॅशनल ओबीसी न्याय मोर्चा’ची स्थापना नागपूर: जनगणनेत…
बारामती: श्री सोमेश्वर सहकारी साखर कारखान्याच्या पंचवार्षिक निवडणूक २०२६ च्या पार्श्वभूमीवर महाराष्ट्राच्या उपमुख्यमंत्री सुनेत्रा अजितदादा…