पुतण्याच्या लग्नात डान्स करत असताना काही सेकंदात झाल होत्याच नव्हत…

पुणे: मागच्या काही दिवसांत थंडीत वाढ झाल्याने रक्त गोठण्याच्या प्रक्रिया मोठ्या प्रमाणात होत असते. यामुळे हृदयविकाराच्या घटनांमध्ये वाढ होत आहे. कोणाला वाहन चालवताना झटका येऊन धक्का बसत आहे तर कुणाला नाचताना हृदयविकाराचा झटका येत आहे.

दरम्यान वाराणसीमध्ये अशीच एक घटना घडली आहे. पुतण्याच्या लग्नात नाचताना अचानक ह्रदयविकाराचा झटका आल्याने जागीच कोसळले. वाराणसीच्या पिपलानी कटरा अवघडनाथ टाकिया येथील मनोज विश्वकर्मा (वय 40) हे पुतण्याच्या लग्नात आनंदाने नाचत होते. त्यांना अचानक हृदयविकाराच्या झटका आल्याने ते जागीच कोसळले. लग्न सोहळ्यात अचानक घडलेल्या घटनेने सगळ्यानाच मोठा धक्का बसला आहे. अवघ्या काही मिनीटात आनंदाच्या भरात नाचणाऱ्या सगळ्यांना दु:खद घटनेला सामोरे जावे लागले असल्याने हळहळ व्यक्त केली जात आहे.

औघडनाथ टाकिया येथील रहिवासी मनोज विश्वकर्मा यांच्या कुटुंबात 25 नोव्हेंबरला लग्न होते. दुपारी मिरवणुकीसाठी कुटुंबात जय्यत तयारी सुरु होती. वरातीत नाचताना मनोज यांची प्रकृती अचानक बिघडली आणि ते नाचतानाच बेशुद्ध पडले. यावेळी आजुबाजुला असलेल्या लोकांना त्यांना तातडीने खासगी रुग्णालयात नेले. परंतु त्यांना ह्रदयविकाराचा झटका मोठा आल्याने डॉक्टरांनी त्यांना मृत घोषित केले. या घटनेने कुटुंबात खळबळ उडाली आहे.