मोठा गौप्यस्फोट! आढळराव पाटील शरद पवार यांच्या संपर्कात…

पुणे : शिरूर लोकसभा मतदार संघाचे माजी खासदार आणि शिवसेनेचे नेते शिवाजीराव आढळराव पाटील हे शरद पवार यांच्या संपर्कात आहेत, असा दावा शिरूरचे विद्यमान खासदार अमोल कोल्हे यांनी केला आहे. यामुळे राजकीय वर्तुळात मोठी खळबळ उडाली आहे.

अमोल कोल्हे यांनी मोठा गौप्यस्फोट केला आहे. शिरूरचे माजी खासदार आणि शिवसेनेचे नेते शिवाजीराव आढळराव पाटील हे शरद पवार यांच्या संपर्कात आहेत, असा दावा त्यांनी केला. मात्र आढळराव पाटील जरी दार ठोठावत असले तरी त्या दाराच्या किल्ल्या आपल्याकडे असल्याचे कोल्हे यांनी म्हटले आहे.

एका मुलाखतीमध्ये बोलताना खासदार आढळराव पाटील यांनी कोल्हे यांच्यावर खरमरीत टीका केली होती. त्यांच्या टीकेला उत्तर देताना कोल्हे यांनी आढळराव पाटील यांना प्रत्युत्तर दिले आहे. ते म्हणाले, ‘मी माझे छंद चार चौघात उजळ माथ्याने सांगू शकतो, तुमचे छंद तसे आहेत का? पाण्यात म्हैस अन् बाजारात मोर अशी परिस्थिती आहे. आढळराव पाटील बोलतात एक अन् करतात दुसरंच. ते आता पवारांच्या संपर्कात आहेत.’