मलठण शाखेत वर्धापनदिन उत्साहात संपन्न

पाबळ (सुनिल जिते): पुणे जिल्हा मध्यवर्ती सहकारी बँकेचा १०८ वा वर्धापनदिन मलठण शाखेत मोठया उत्साहात संपन्न झाला.यानिमित्ताने बँकेच्या ग्राहकांना व गावातील पदाधिकारी,महिला व जेष्ठांना निमंत्रित करण्यात आले होते.प्राचार्य अनिल शिंदे,माजी चेअरमन शरद गीते,बबनराव गायकवाड,दिलीप महाले, मोहन लष्करे,शिवसेनेचे तालुकाप्रमुख गणेश जामदार, पेन्शनर संघटनेचे सचिव आनंदराव वेताळ,सचिन शिंदे,सचिव सुनील जिते,चेअरमन आबा जाधव,राजेंद्र माशेरे,बिरा शिंदे,वैभव थोरात आदी उपस्थित होते.

पुणे जिल्हा मध्यवर्ती बँक माजी कृषिमंत्री शरदचंद्र पवार साहेब,अर्थमंत्री व पालकमंत्री अजितदादा पवार,आमदार दिलीप वळसे पाटील यांच्या मार्गदर्शनाखाली खूप चांगले काम करीत असून,विविध योजनांचा लाभ शेतकरी, महिला व युवकांना होत आहे. शेतकऱ्यांच्या प्रपंचाशी ही बँक संबंधित असून,आम्हांला बॅंकेचा अभिमान असल्याचे गौरवोद्गार प्राचार्य अनिल शिंदे यांनी यावेळी काढले. यावेळी उत्तम सेवा देत असल्याबद्दल शाखाधिकारी सुनील शिंदे, रोखपाल अमित शिंदे,लेखनिक अक्षय मगर,कर्मचारी अक्षय शिंदे यांचा उपस्थितांनी शाल,श्रीफळ देऊन सन्मान केला.बँकेच्या वतीने उपस्थित मान्यवरांना रोपटी भेट देण्यात आली. शाखाधिकारी सुनील शिंदे यांनी स्वागत केले. अमित शिंदे यांनी प्रास्ताविक व अक्षय मगर यांनी आभार मानले.