शिक्रापुरात ग्राहक पंचायतची बैठक संपन्न

पदाधिकाऱ्यांच्या नियुक्त्या करत नवनिर्वाचितांचा सन्मान

शिक्रापूर (शेरखान शेख): शिक्रापूर (ता. शिरुर) येथे अखिल भारतीय ग्राहक पंचायतच्या पुणे जिल्हा पदाधिकाऱ्यांची बैठक नुकतीच संपन्न झाली असून यावेळी अनेक पदाधिकाऱ्यांच्या नियुक्त्या करत निवडीचे पत्र देय सन्मानित करण्यात आले आहे.

शिक्रापूर (ता. शिरुर) येथे अखिल भारतीय ग्राहक पंचायतच्या बैठकी दरम्यान श्री स्वामी विवेकानंद व स्वर्गीय संतोषबापू गांधी यांच्या प्रतिमेला पुष्पहार अर्पण करण्यात आला. यावेळी अखिल भारतीय ग्राहक पंचायतचे मध्य महाराष्ट्रात प्रांत सहसंघटन मंत्री रमेश टाकळकर, पुणे जिल्हा पालकमंत्री भानुदास सरडे, पुणे जिल्हाध्यक्ष दिलीप निंबाळकर, सचिव संतोष शिर्के यांसह आदी पदाधिकारी उपस्थित होते.

यावेळी पार पडलेल्या बैठकीत पुणे जिल्हा सहसंघटक पदी देवेंद्र जगताप, शिरुर तालुका पालकपदी तुकाराम फराटे, शिरुर तालुकाध्यक्ष पदी संपत फराटे, शिरूर तालुका संघटन मंत्रीपदी पर्वतराज नाबगे, सचिवपदी पंकज बांगर, उपाध्यक्षपदी अशोक मोरे, कोषाध्यक्षपदी विशाल गव्हाणे, महिलाध्यक्षपदी रोहिणी दरेकर, सहसंघटन मंत्री पदी रामदास दरेकर तर कार्यकारिणी सदस्यपदी पंडित मासळकर, अशोक बेंडभर, शिरूर शहर संघटकपदी किरण गांधी यांची नियुक्ती करण्यात आली असून सर्व नवनिर्वाचित पदाधिकाऱ्यांच्या मान्यवरांच्या हस्ते नियुक्ती पत्र देऊन सन्मान करण्यात आला आहे.

दरम्यान नवनिर्वाचित पदाधिकाऱ्यांना मार्गदर्शन करताना संघटनेचा मूळ उद्देश ग्राहकाचे हित जोपासणे असून पदाधिकाऱ्यांनी त्यांना दिलेली जबाबदारी चोख पार पाडत संघटनेला कुठल्याही प्रकारची बाधा पोहोचणार नाही याची काळजी घ्यावी असे देखील पालकमंत्री भानुदास सरडे यांनी सांगितले. दरम्यान शिरूर शहर संघटक किरण गांधी यांनी सर्वांचे आभार मानले.