शिरुरमध्ये महिलांचे अनोखे रक्षाबंधन राखी सामाजिक प्रश्नांची अन ओवाळणी महिला सुरक्षेची…

शिरुर (अरुणकुमार मोटे) काल (दि १९) रक्षाबंधन हा सण सर्व ठिकाणी साजरा केला गेला. बहीण भावाच्या पवित्र नात्याचा हा सण, यावेळी भाऊ बहिणीला ओवाळणी म्हणुन वेगवेगळ्या गोष्टी देत असतात. सध्या देशात आणि राज्यात महिलांवर अनेक अत्याचार होत आहेत. महिलांना अनेक अडचनींना सामोरे जावे लागत आहे. त्यामुळे शिरुर-हवेलीचे आमदार अशोक पवार यांना महिलांनी महिला सुरक्षेची राखी बांधुन अनोखे रक्षाबंधन साजरे केले.

 

या राखी मध्ये महिला सुरक्षा, महागाई निर्मूलन,महिला सबलीकरण,युवकांचे भविष्य,शेतीमालाला हमीभाव, शिक्षण, आरोग्य तसेच लाडक्या बहिणीला कोणते पैसे नको, पण सुरक्षा मात्र हवी आहे. याबाबत मजकुर लिहिलेला होता. त्यामुळे शिरुर येथील महिलांनी एक आगळी वेगळी राखी बांधून हा रक्षाबंधनाचा सण साजरा केला. आमदार अशोक पवार यांनीही सर्व बहिणींच्या सुरक्षेची जबाबदारी घेण्याचे आश्वासन दिले.

 

यावेळी राणी कर्डीले, गीता आढाव, साधना शितोळे, रोहिणी बनकर, संगीता शेवाळे, डॉ स्मिता बोरा, ज्योती लोखंडे, राणी शिंदे, शशिकला काळे, सविता बोरुडे, बेबी शितोळे, ज्योती हांडे, प्रियांका बंडगर, प्रियांका धोत्रे, छाया अल्हाट,सारिका विर्सेव, प्रतीक्षा पवार, कल्पना चांदगुडे, प्रीती बनसोडे, राजश्री शेजवळ, जया खांडरे, दुर्गा ननवरे, कल्पना पुंडे, मंगल गायकवाड, ललिता पोळ आदी महिला उपस्थित होत्या.

शिरुरचे पोलीस निरीक्षक ज्योतीराम गुंजवटे यांच्यासह एपीआय रमेश कदम यांनी तिरंग्याचा अवमान केल्याचा आरोप

शिरुर तालुक्यातील सविंदणे गावचे अरुणकुमार मोटे ;निर्भीड पत्रकार पुरस्काराने सन्मानित

मुंबई: शिरुरचे आरटीआय कार्यकर्ते अशोक भोरडे यांचे विविध मागण्यासाठी आझाद मैदानात बेमुदत उपोषण सुरु