करंदीत मटका अड्ड्यावर शिक्रापूर पोलिसांचा छापा

शिक्रापूर (शेरखान शेख): करंदी (ता. शिरुर) येथील किनारा हॉटेलच्या आडोशाला सुरु असलेल्या मटका अड्ड्यावर शिक्रापूर पोलिसांनी छापा टाकत कारवाई करुन मटक्याचे साहित्य जप्त करत सोमनाथ नारायण सोनवणे याचे विरुद्ध गुन्हे दाखल केले आहे.

करंदी (ता. शिरुर) येथील किनारा हॉटेलच्या आडोशाला एक व्यक्ती कल्याण मटका नावाचा मटका चालवून नागरिकांना कागदावर आकडे लिहून देत असल्याची माहिती पोलीस निरीक्षक प्रमोद क्षिरसागर यांना मिळाली त्यांनतर सहाय्यक पोलीस उपनिरीक्षक जितेंद्र पानसरे, पोलीस नाईक रोहिदास पारखे, किशोर शिवणकर यांसह आदींनी सदर ठिकाणी जाऊन छापा टाकला असता एक व्यक्ती नागरिकांना कागदावर आकडे लिहून देऊन त्यांच्याकडून पैसे घेत असल्याचे दिसून आले. दरम्यान पोलिसांनी सदर व्यक्तीला जागेवरच पकडून त्याच्या जवळील काही रक्कम तसेच मटक्याचे साहित्य जप्त केले.

याबाबत शिक्रापूर पोलीस स्टेशनचे पोलीस नाईक रोहिदास दौलत पारखे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी सोमनाथ नारायण सोनवणे (वय ३०) रा. करंदी (ता. शिरुर) जि. पुणे याचे विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस उपनिरीक्षक जितेंद्र पानसरे हे करत आहे.