आश्रमशाळांचा वेतनाचा प्रश्न अखेर सुटला

स्वराज्य शिक्षक संघाच्या मागणीला यश २१६ कोटी अनुदान उपलब्ध

शिक्रापूर (शेरखान शेख): राज्यातील इतर मागास बहुजन कल्याण विभागामार्फत चालवल्या जात असलेल्या आश्रम शाळेतील कर्मचाऱ्यांच्या वेतनासाठी हिवाळी अधिवेशनात मंजूर करण्यात आलेल्या ३२४ कोटी रुपयांपैकी डिसेंबर २०२२ व जानेवारी २०२३ महिन्यातील वेतनासाठी २१६ कोटी रुपये इतके वेतन अनुदान उपलब्ध करुन देण्यात आले असल्यामुळे आश्रमशाळांचा वेतनाचा प्रश्न अखेर सुटला आहे.

आश्रम शाळांच्या वेतनाचा प्रश्न अनेक दिवसांपासून प्रलंबित असल्याने स्वराज्य शिक्षक संघटनेने वेतन अनुदान उपलब्ध करुन देण्याची मागणी केली होती, इतर मागास बहुजन कल्याण विभागाच्या आश्रमशाळांमधील चालू कालावधीत वेतन अनुदान तरतुद संपल्याने नागपूर येथील हिवाळी अधिवेशनात वेतन अनुदानाची पुरक मागणी फाईल मंजूर केले असून वित्त विभागाकडून वेतन अनुदान पुरवणी फाईल मंजूर होऊन इतर मागास बहुजन कल्याण विभागास उपलब्ध होताच वेतन अनुदान सर्व जिल्ह्यांमध्ये तत्काळ उपलब्ध करुन देण्यात येत असल्याने आता वेतन अनुदान उपलब्ध झाल्याने आता आश्रम शाळा कर्मचाऱ्यांचा वेतनाचा प्रश्न मार्गी लागणार आहे. वेतन अनुदान उपलब्ध करुन दिल्याने स्वराज्य शिक्षक संघाचे समाधान व्यक्त करत शासनाचे आभार मानले आहे.

याबाबत बोलताना इतर मागास बहुजन कल्याण विभागाचे उपसचिव कैलास साळुंखे यांनी आश्रमशाळामधील कर्मचाऱ्यांना न्याय देण्याची भूमिका घेतली. त्यांचे कामकाज कर्मचारी हिताचे आहे. त्यामुळे उपसचिव बहुजन कल्याण विभाग यांचे स्वराज्य शिक्षक संघ महाराष्ट्र राज्य संघटनेकडून आभार मानतो तसेच करोना काळात सुद्धा त्यांनी चांगल्या पद्धतीने राज्यातील आश्रमशाळा कर्मचारी यांना न्याय देऊन वेळेवर वेतन करण्याचा प्रयत्न केलेला असल्याचे स्वराज्य शिक्षक संघ महाराष्ट्र राज्याचे विभागीय अध्यक्ष संदीप गोसावी यांनी सांगितले.