शिरुर (तेजस फडके): शिरुर तालुक्यातील निमोणे येथील व्यंकटेश्वरा रिसर्च ब्रोडिंग फार्ममध्ये अज्ञात चोरट्यांनी तारेचे कंपाउंड तोडून प्रवेश करत विद्युत ट्रान्सफॉर्मरच्या अर्थिंगसाठी बसविण्यात आलेल्या सुमारे १२५ किलो वजनाच्या तांब्याच्या पट्ट्या चोरुन नेल्याची घटना उघडकीस आली आहे. चोरीस गेलेल्या तांब्याच्या पट्ट्यांची किंमत सुमारे ६२ हजार ५०० रुपये असल्याचे फिर्यादीत नमूद करण्यात आले आहे. याबाबत येथील सुरक्षा रक्षक तेजप्रताप मोहन यादव (वय ३८, सध्या रा. व्यंकटेश्वरा रिसर्च ब्रोडिंग फार्म, निमोणे, ता. शिरुर, जि. पुणे) यांनी शिरुर पोलीस ठाण्यात अज्ञात चोरट्याविरुद्ध फिर्याद दिली आहे.
शिरुर पोलिसांनी दिलेल्या माहितीनुसार, बुधवार दि ८ जुलै २०२६ रोजी रात्री ११ ते गुरुवार दि ९ जुलै २०२६ रोजी सकाळी साडेनऊच्या कालावधीत हि चोरी झाली. अज्ञात चोरट्यांनी निमोणे गावच्या हद्दीतील व्यंकटेश्वरा रिसर्च ब्रोडिंग फार्मच्या दक्षिण बाजूला असलेले तारेचे कंपाउंड तोडले. त्यानंतर फार्मच्या परिसरात अनधिकृतपणे प्रवेश करुन विद्युत ट्रान्सफॉर्मरच्या अर्थिंगसाठी बसविण्यात आलेल्या हिरव्या रंगाच्या कोटिंग असलेल्या तांब्याच्या पट्ट्या चोरुन नेल्या.
चोरीस गेलेल्या तांब्याच्या पट्ट्यांचे वजन सुमारे १२५ किलो आहे. जुन्या वापरातील तांब्याचा दर प्रतिकिलो ५०० रुपये याप्रमाणे या मुद्देमालाची एकूण किंमत ६२ हजार ५०० रुपये असल्याचे फिर्यादीने म्हटले आहे. सुरक्षा रक्षक तेजप्रताप यादव यांच्या निदर्शनास हा प्रकार आल्यानंतर त्यांनी परिसराची पाहणी केली. कंपनीच्या दक्षिण बाजूचे तारेचे कंपाउंड तोडल्याचे तसेच ट्रान्सफॉर्मरच्या अर्थिंगच्या तांब्याच्या पट्ट्या गायब असल्याचे आढळून आले. त्यानंतर त्यांनी शिरुर पोलीस ठाण्यात धाव घेत अज्ञात चोरट्याविरुद्ध तक्रार दाखल केली.
शिरुरचे पोलीस निरीक्षक विनोद पाटील यांच्या मार्गदर्शनाखाली या प्रकरणाचा पुढील अधिक तपास पोलीस हवालदार विनोद मोरे हे करत आहेत. दरम्यान, शिरुर तालुक्यातील कंपन्या, शेतवस्ती आणि निर्जन परिसरातील विद्युत ट्रान्सफॉर्मरमधील तांबे चोरीच्या घटनांमुळे सुरक्षेचा प्रश्न पुन्हा एकदा ऐरणीवर आला आहे. चोरट्यांचा शोध घेऊन चोरीस गेलेला मुद्देमाल तातडीने हस्तगत करण्याचे आव्हान पोलिसांसमोर आहे.
च्यवनप्राश एक प्राचीन आयुर्वेदिक औषध आहे. ज्याचे शतकानुशतके भारतीय घरांमध्ये सेवन केले जात आहे. हा…
मुंबई : पंतप्रधान नरेंद्र मोदी यांच्या ‘चहावाला’ या राजकीय प्रतिमेवरून शिवसेना (उद्धव बाळासाहेब ठाकरे) नेते…
मुंबई : देशाचा विकास नेमका कोणत्या निकषांवर मोजायचा, यावरून पुन्हा एकदा राजकीय आणि सामाजिक चर्चा…
कल्याण : कल्याण पश्चिम येथील डॉ. बाबासाहेब आंबेडकर उद्यानासाठी वाढीव जागा मिळावी यासाठी प्रयत्न करणाऱ्या…
मुंबई: शेतकरी, महिला, तरुण आणि सर्वसामान्य नागरिकांच्या हिताला प्राधान्य देत महायुती सरकार काम करत आहे. “महाराष्ट्राच्या…
मुंबई : घाटकोपर पश्चिमेतील रामजीनगर परिसरातील तुंबलेली सार्वजनिक शौचालये, अस्वच्छता आणि प्रचंड दुर्गंधीमुळे स्थानिक महिलांना मोठ्या…