शिरुर तालुक्यात झाडाच्या सावलीखाली लावलेली दुचाकी चोरी

शिरुर (तेजस फडके): न्हावरे- आंबळे रोडच्या कडेला लिंबाच्या झाडाखाली सावलीला उभी केलेली गाडी चोरीला गेल्याची घटना घडली असून अज्ञात व्यक्तीने ही गाडी चोरुन नेल्याची तक्रार महेश मारुती पवार (वय 23) रा. बेलवंडी ता श्रीगोंदा जि अहमदनगर यांनी शिरुर पोलीस स्टेशन येथे दिली असून पोलीस पुढील तपास करत आहेत.

शिरुर पोलिसांनी दिलेल्या माहितीनुसार, (दि. 19) रोजी दुपारी 4:30 च्या दरम्यान फिर्यादी महेश यांनी न्हावरे आंबळे रस्त्याच्या कडेला स्वतःची दुचाकी सावलीला उभी केली होती. काही वेळाने सायंकाळी 6:30 च्या सुमारास महेश हे तिथे गेले असता त्यांना गाडी चोरून नेल्याचे लक्षात आले. त्यानंतर त्यांनी तातडीने शिरुर पोलीस स्टेशनला धाव घेत दुचाकी चोरी झाल्याची फिर्याद दिली. या घटनेचा पुढील तपास शिरुर पोलीस स्टेशनचे पोलीस निरीक्षक सुरेशकुमार राऊत यांच्या मार्गदर्शनाखाली, पोलीस नाईक ए एस शिंदे हे करत आहेत.