मराठा महासंघ इतिहास परिषदच्या तालुकाध्यक्षपदी वैभव पवार

शिक्रापूर: वढू बुद्रुक (ता. शिरुर) येथील वैभव विश्वासराव पवार यांची अखिल भारतीय मराठा महासंघ इतिहास परिषद महाराष्ट्र राज्यच्या शिरुर तालुकाध्यक्षपदी निवड करण्यात आली आहे.

अखिल भारतीय मराठा महासंघ इतिहास परिषदचे राष्ट्रीय प्रदेश अध्यक्ष रणजित जगताप, प्रवीणभैय्या गायकवाड, करण रणवीर व संतोष झिपरे यांच्या हस्ते निवडीचे पत्र देण्यात आले. तर निवडीनंतर बोलताना शिरुर तालुक्यातील इतिहास संशोधन व संवर्धनाचे काम याबाबत एक पुस्तक प्रकाशित करण्याचा मानस असून शिरुर तालुक्यातील सर्व ऐतिहासिक वास्तू ई च्या नोंदी व संवर्धन होण्यासाठी शिरुर तालुक्याचे तहसीलदार तसेच शिरुर नगर परिषद यांना निवेदन देणार असल्याचे वैभव पवार यांनी सांगितले.