शिक्रापूर (शेरखान शेख): शिक्रापूर चाकण रस्त्यावर हॉटेल ग्रीन पॉइंट हॉटेल समोर अज्ञात वाहनाची दुचाकीला धडक बसून झालेल्या अपघातात एका तेजस कुंडलिक भोगाडे या युवकाचा मृत्यू तर करण उर्फ अनिल डोईफोडे हा युवक गंभीर जखमी झाल्याने शिक्रापूर पोलीस स्टेशन येथे अज्ञात वाहन चालकावर गुन्हे दाखल करण्यात आले आहे.
शिक्रापूर (ता. शिरुर) येथील शिक्रापूर चाकण रस्त्याने तेजस भोगाडे व करण उर्फ अनिल डोईफोडे हे दोघेजन रात्रीच्या सुमारास चाकण बाजूने शिक्रापूर बाजूकडे येत असताना पाठीमागून भरधाव वेगाने आलेल्या दुचाकीची या युवकांच्या दुचाकीला जोरदार धडक बसली दरम्यान दोघे रस्त्यावर पाडून गंभीर जखमी झाले. यावेळी दुचाकीला धडक देणाऱ्या वाहनाचे चाक तेजसच्या अंगावर गेल्याने तो गंभीर जखमी झाला.
दरम्यान दोघांना शिक्रापूर येथील खाजगी रुग्णालयात नेले असता तेजस तेजस कुंडलिक भोगाडे (वय २९) रा. दत्तप्रसाद कॉलनी शिक्रापूर (ता. शिरुर) जि. पुणे मूळ रा. खरपुडी बुद्रुक ता. खेड जि. पुणे याचा उपचारापूर्वीच मृत्यू झाल्याचे डॉक्टरांनी जाहीर केले तर करण उर्फ अनिल डोईफोडे रा. वाघोली ता. हवेली जि. पुणे हा गंभीर जखमी झाल्याने त्याच्यावर खाजगी रुग्णालयात उपचार सुरु आहेत.
याबाबत रवींद्र पांडुरंग भोगाडे (वय ३३) रा. खरपुडी बुद्रुक ता. खेड जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी अज्ञात वाहन चालकावर गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस निरीक्षक वैभव पवार व पोलीस शिपाई नीरज पिसाळ हे करत आहे.
निवडणूक आयोगाला पत्र; प्रांताधिकाऱ्यांच्या आरोपाने जिल्हयात मोठी खळबळ! शिरूर (अरुणकुमार मोटे): पुण्याचे जिल्हाधिकारी सुहास दिवसे…
शिरूर (अरूणकुमार मोटे): शिरूर तालुक्यासह बेट भागात गेल्या दोन वर्षापासून विद्युत रोहीत्र चोरीचे सत्र सातत्याने…
कारेगाव (तेजस फडके) कारेगाव येथे दि 27 मे 2024 रोजी सायंकाळी 6 च्या सुमारास आय.टि.…
शिक्रापुर (योगेश शेंडगे) शिरुर तालुक्यातील पारोडी येथील सरकारी आरोग्य उपकेंद्र कायमच बंद अवस्थेत आढळून येत…
शिंदोडी (तेजस फडके) सध्या पुण्यातील हिट अँड रण प्रकरणाची देशभरात जोरदार चर्चा असुन एका बड्या…
शिरुर (तेजस फडके) पुणे पोर्शे अपघात प्रकरणात ससून रुग्णालयाचा भोंगळ कारभार (Pune Porsche car accident)…