किरकोळ कारणातून महिलेला शिवीगाळ, दमदाटी करत काठीने मारहाण

शिक्रापूर (शेरखान शेख): शिक्रापूर (ता. शिरुर) येथील तळेगाव रोड लगत घरासमोर टाकलेल्या मुरुमामुळे झालेल्या वादातून एका महिलेला मारहाण करण्यात आल्याची घटना घडली असल्याने शिक्रापूर पोलीस स्टेशन येथे रोहित राजपाल माचरे याच्या विरुद्ध गुन्हे दाखल करण्यात आले आहे

शिक्रापूर (ता. शिरुर) येथील तळेगाव ढमढेरे रोड लगत राहणाऱ्या रोहित माचरे याने त्याचे घराशेजारी मुरूम आणून टाकला होता, त्यामुळे शेजारील दुर्गाप्रसाद यादव यांच्या दुकानासमोरील पीक अप वाहन निघण्यास अडचण होत होती. त्यामुळे यादव यांनी रोहित यास सदर मुरूम बाजूला हटवण्यास सांगितले त्यावेळी रोहित नेट थोडा मुरुम हटवला व निघून गेला त्यामुळे दुर्गाप्रसाद यादव या सदर ठिकाणचा मुरुम बाजूला करत असताना रोहित माचरे सदर ठिकाणी आला त्याने दुर्गाप्रसाद यांना शिवीगाळ, दमदाटी करत काठीने मारहाण करत जखमी केले.

घडलेल्या घटनेबाबत दुर्गाप्रसाद पतीराम यादव (वय ३५) रा. करंजेनगर तळेगाव रोड शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी रोहित राजपाल माचरे रा. करंजेनगर शिक्रापूर (ता. शिरुर) जि. पुणे याचे विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलिस नाईक संतोष मारकड हे करत आहे.