तळेगाव ढमढेरेत जुन्या वादातून युवकाला मारहाण

शिक्रापूर (शेरखान शेख): तळेगाव ढमढेरे (ता. शिरुर) येथे राहणारा विशाल शेवतकर हा युवक कामाला असलेल्या कंपनीतील कामगार केतन पारखे याच्या सोबत कामाला असून त्यांच्यात तीन महिन्यांपूर्वी वाद झाले होते. सदर वाद विशाल याचे खोलीमालकाने मिटवले होते, तर (दि. २१) ऑगस्ट रोजी विशाल घरासमोर बसलेला असताना केतन तेथे आला व त्याने जुन्या वादातून विशालला शिवीगाळ, दमदाटी करत लोखंडी रॉड व दगडाने मारहाण केली.

याबाबत विशाल सतीश शेवतकर (वय २६) रा. तळेगाव ढमढेरे (ता. शिरुर) जि. पुणे मूळ रा. चाळीसगाव ता. धुळे जि. धुळे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी केतन पारखे (पूर्ण नाव पत्ता माहित नाही) याचे विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार किशोर तेलंग हे करत आहे.