वाघोली: लोणी (ता. आंबेगाव) जि. पुणे मंगळवार (दि. 2) रोजी येथील हद्दीतील सकाळी 7 वाजता बेल्हा -जेजुरी महामार्गावर लोणी -पाबळ रस्त्यावर दुसऱ्यांदा बिबट्याच्या बछड्याचा अपघाती मृत्यू झाला आहे.
संग्राम हॉटेलच्या जवळ अज्ञात वाहनाने धडक दिल्यामुळे अंदाजे 7 ते 8 महिन्याचा बिबट्याचा बछडा मृत अवस्थेत आढळून आला. रस्त्याने जाणाऱ्या वाहन चालक नागनाथ सुक्रे यांनी ही माहिती वन सेवक बाळासाहेब आदक यांना कळविली. त्यानंतर बाळासाहेब आदक यांनी वनरक्षक साईमाला गीते यांना ही माहिती कळवली. त्या आपल्या रेस्क्यू टीम मेंबर अशोक जाधव, वनसेवक व्ही. बी लंके आदी कर्मचाऱ्यांसह घटनास्थळी हजर झाल्या. वनपाल धामणी सोनल भालेराव ह्या पण त्वरित घटनास्थळी आल्या व तपासणी करुन पंचनामा केला.
लोणी येथे मृत बछड्याचे शवविच्छेदन केले असता, पशुवैद्यकीय अधिकारी डॉक्टर शितल कास्पे यांनी सांगितले की वाहनाची डोक्याला जोरदार धडक बसल्यामुळे अंतर्गत जास्त प्रमाणात रक्तस्राव होऊन तसेच मागचा पाय फ्रॅक्चर झाला आहे. त्यामुळे बछड्याचा मृत्यू झाला आहे. वन खात्याच्या शासकीय निवासस्थानासमोर ग्रामस्थ व वन कर्मचारी यांच्या समक्ष बिबट्याच्या बछड्याचे अग्नी दहन केले.
वनपरिक्षेत्र अधिकारी स्मिता राजहंस यांनी नागरिकांना आवाहन केले आहे की सध्या परिसरामध्ये मोठ्या प्रमाणामध्ये ऊसतोड चालू असून त्यामुळे बिबटे एका जागेवरून दुसऱ्या जागेकडे स्थलांतर करत आहे. महामार्गावर किंवा रस्त्यांनी जाताना वाहन चालकांनी वेगावर नियंत्रण ठेवून सुरक्षित वाहन चालवावे प्राण्यांना इजा न होईल याची काळजी घ्यावी.
शिरूर : शिरूर तालुक्यातील करडे घाटात दोन गुन्हेगार गटांच्या वादातून झालेल्या गोळीबारात विशाल सुनील काळे…
मुंबई: राज्याच्या सांस्कृतिक चळवळीला दिशा देणाऱ्या सांस्कृतिक कार्य संचालनालयातील संचालकपद गेल्या दीड महिन्यांपासून रिक्त असल्याने…
पुणे : पुणे शहरातील स्वारगेट एसटी स्थानकाच्या आवारात एका प्रवासी युवतीवर 25 फेब्रुवारी 2025 रोजी…
शिरूर (अरुणकुमार मोटे) : शिरूर तालुक्यातील शिरूर-न्हावरे मार्गावरील करडे घाट परिसर आज (सोमवरा) सायंकाळी पाच…
मंगळवेढा: सातारा येथे झालेल्या ५२ व्या हिंदकेसरी कुस्ती स्पर्धेत मानाचा ‘हिंदकेसरी’ किताब पटकावून मंगळवेढा तालुक्यातील…
पुण्यश्लोक, राजमाता अहिल्यादेवी होळकर यांच्या चरणी सुनेत्रा अजित पवार नतमस्तक मुंबई: स्वराज्यजननी जिजाऊ माँसाहेब, पुण्यश्लोक…