mahaganpati
रांजणगाव गणपती (पोपट पाचंगे): अष्टविनायकापैकी एक असलेल्या श्री क्षेत्र रांजणगाव गणपती (ता. शिरुर) येथील श्री महागणपतीच्या दर्शनासाठी भाविकांनी आज (रविवार) संकष्टी निमित्त अलोट गर्दी केली होती.
संकष्टी निमित्त आज पहाटे ५ वाजता श्रींचा अभिषेक करून मंदिर भाविकांसाठी खुले करण्यात आले. तेव्हापासून दर्शनासाठी भाविकांनी अलोट गर्दी केली होती. भाविकांच्या गर्दीने रांजणगावला अक्षरशः यात्रेचे स्वरूप आले होते. येथील मंदिर प्रांगणात तसेच आज संकष्टी चतुर्थीनिमित्त सकाळी ६.३० वाजता देवस्थान ट्रस्टच्या वतीने आयोजित करण्यात आलेल्या सामूहिक अथर्वशीर्ष पठण कार्यक्रमात महिलासह भाविक मोठया संख्येने सहभागी झाले होते. अथर्वशीर्ष कार्यक्रम झाल्यानंतर देवस्थान ट्रस्ट चे सचिव डॉ. तुषार पाचुंदकर यांनी सर्वांचे स्वागत करून आभार मानले.
राज्यात सध्या सुरु असलेली उन्हाळी सुट्टी, आज रविवार व त्यातच संकष्टी चतुर्थी असा तिहेरी योग असल्याने श्रीं च्या दर्शनासाठी भाविकांनी अलोट गर्दी केली होती. संकष्टी चतुर्थी निमित्त भाविकांसाठी सुलभ दर्शन व्यवस्था, खिचडी प्रसाद, पिण्याचे पाणी तसेच उन्हाची तीव्रता जास्त असल्यामुळे भाविकांसाठी सावलीची सोय व मॅटची व्यवस्था करण्यात आली होती. श्री क्षेत्र रांजणगाव गणपती देवस्थान ट्रस्ट व अष्टविनायक ब्लड बँक यांच्या संयुक्त विद्यमाने आयोजित केलेल्या रक्तदान शिबीरास भाविकांचा उस्फुर्त प्रतिसाद लाभला, अशी माहिती देवस्थान ट्रस्टचे उपाध्यक्ष संदीप दौंडकर यांनी दिली.
संकष्टी चतुर्थी निमित्त दुपारी १२ वाजता देवस्थान ट्रस्टचे मुख्य विश्वस्त डॉ. ओमकार देव यांच्या हस्ते महापूजा व महानैवेद्य करण्यात आला. येथील प्रगतशील शेतकरी तथा गणेशभक्त नानासाहेब दिनकरराव पाचुंदकर यांच्या वतीने मंदिर गाभाऱ्यात फुलांची आकर्षक सजावट करण्यात आली. दुपारी रांजणगाव येथील श्री महागणपती भजनी मंडळाचा भजनाचा कार्यक्रम झाला. यावेळी देवस्थानचे मुख्य विश्वस्त डॉ. ओमकार देव, उपाध्यक्ष संदीप दौडकर, सचिव डॉ. तुषार पाचुंदकर यांसह देवस्थानचे कर्मचारी, पुजारी उपस्थित होते.
दरम्यान, संकष्टी चतुर्थीनिमित्त रांजणगाव एमआयडीसी पोलिस ठाण्याचे पोलिस निरीक्षक महादेव वाघमोडे यांच्या मार्गदर्शनाखाली चोख पोलिस बंदोबस्त ठेवण्यात आला होता.
रांजणगाव येथे संकष्ट चतुर्थी निमित्त श्री महागणपती च्या दर्शनासाठी भाविकांची गर्दी
महागणपती मुक्तद्वार दर्शनाचा भाविकांनी लाभ घ्यावा: स्वाती पाचुंदकर
संकष्टी चतुर्थी निमित्त श्री महागणपतीच्या मंदिरात सामुहिक अथर्वशीर्ष पठण
शिक्रापूर : विद्यार्थ्यांनी केवळ उत्साही राहून चालणार नाही, तर ध्येयप्राप्तीसाठी वेडे होऊन सर्वस्व समर्पित करण्याची…
शिरुर (तेजस फडके): शिरुर ग्रामीण ग्रामपंचायतीच्या भोंगळ आणि निष्क्रिय कारभाराचा फटका बाबुरावनगर परिसरातील हजारो नागरिकांना…
पाबळ (सुनिल जिते): शिक्षणासाठी आर्थिक अडचणींशी झुंज देणाऱ्या विद्यार्थ्यांच्या पाठीशी खंबीरपणे उभे राहत कान्हूर मेसाई…
कर्जमाफी, ओबीसी आरक्षण आणि गोसीखुर्द कालवा दुर्घटनेवर सरकारला धारेवर धरले; ३ ऑगस्टपासून 'मंडल यात्रा'ची घोषणा.…
मुंबई: भायखळा येथील नूतनीकृत लोकशाहीर अण्णा भाऊ साठे नाट्यगृहाचे मुख्यमंत्री देवेंद्र फडणवीस यांच्या हस्ते लोकार्पण…
मुंबई: लोकशाहीर साहित्यरत्न अण्णाभाऊ साठे यांच्या नावाने नूतनीकरण व विस्तारीकरण करण्यात आलेल्या नाट्यगृहाचे लोकार्पण मुख्यमंत्री…