पुण्यात दारु पिण्यास मनाई केल्याने गोळी झाडून जिवे मारण्याची धमकी…

पुणे: दारु पिण्यास मनाई केल्याने एकास जिवे मारण्याची धमकी दिल्याप्रकरणी तिघांच्या विरोधात गुन्हा दाखल करण्यात आला असून हा प्रकार कोथरुड भागात घडला आहे.

याबाबत ऋषीकेश भास्कर यशाेदे (वय ४३) रा. ग्लोरिया ग्रास, पौड रस्ता यांनी कोथरुड पोलीस ठाण्यात फिर्याद दिली आहे. कोथरुडमधील भुसारी काॅलनी परिसरात शिवदत्त प्लाझा इमारतीजवळ तिघेजण दारु पित होते.

त्यावेळी यशोदे यांनी सोसायटीच्या आवारात दारु पिऊ नका, असे तिघांना सांगितले. आम्हाला ओळखले नाही का? आम्ही गंभीर गुन्ह्यातील आरोपी आहोत. तिघांनी यशोदे यांनी पिस्तुलातून गोळी झाडून जिवे मारण्याची धमकी दिली, असे यशोदे यांनी फिर्यादीत म्हटले आहे. पोलीस उपनिरीक्षक राठाेड तपास करीत आहेत.