शिरुर मध्ये पैसे मागितल्याच्या कारणावरुन महिलेसह तिच्या पतीस मारहाण

शिरुर (तेजस फडके): शिरुर येथील हुडको कॉलनीत उसने दिलेले पैसे मागितल्याच्या कारणावरुन एका व्यक्तीने एका महिलेसह तिच्या पतीला स्टम्प व बॅट तसेच हाताने लाथाबुक्याने मारहाण करुन दुखापत करुन “तु परत इकडे आला तर तुला संपवुन टाकेन” अशी धमकी दिल्याप्रकरणी एका महिलेने शिरुर पोलिस ठाण्यात गुन्हा दाखल केला असुन हबीब सय्यद रा. शिरुर (ता. शिरुर), जि.पुणे याच्यावर गुन्हा दाखल करण्यात आला आहे.

याबाबत शिरुर पोलिसांनी दिलेल्या माहितीनुसार (दि १७) रोजी सकाळी ११ च्या सुमारास शिरुर येथील हुडको कॉलनीत हबीब सयद याला एका महिलेने “तु आमचे पैसे का देत नाही, फोन का उचलत नाही, आमचे नंबर का ब्लॉक केले असे विचारल्याच्या कारणाचा राग मनात धरुन तिला आणि तिच्या पतीला घरासमोरील लाकडी स्टम्प व बॅट, तसेच हाताने लाथाबुक्याने मारहाण दुखापत करून ‘तु परत इकडे आला तर तुला संपवुन टाकेण’ अशी धमकी दिल्याने संबंधित महिलेने शिरुर पोलिस ठाण्यात गुन्हा दाखल केला असुन शिरुरचे पोलिस निरीक्षक सुरेशकुमार राऊत यांच्या मार्गदर्शनाखाली पोलिस हवालदार प्रफुल्ल भगत हे या घटनेचा पुढील तपास करत आहेत.