माझ्याकडे रुग्णांना गोळ्या औषधे घेण्यासाठी का पाठवत नाही म्हणत शिरूरमध्ये रुग्णालयात डॉक्टरवर हल्ला

शिरूर (अरुणकुमार मोटे): शिरूर शहरातील बाबुराव नगर भागात एका डॉक्टरवर रुग्णालयातच हल्ला झाल्याची गंभीर घटना घडली असुन फिर्यादी आदिनाथ रामभाऊ शितोळे (वय ३०) व्यवसाय -डॉक्टर, रा. बाबुराव नगर, शिरूर, मूळ गाव मारुतीची वाडी, ता. गेवराई, जि. बीड यांच्या फिर्यादीवरून शिरूर पोलीस ठाण्यात गुन्हा दाखल करण्यात आला आहे.

शिरूर पोलिसांनी दिलेल्या माहितीनुसार (दि. १9) रोजी सायं. ६:३० वाजता बाबुराव नगर येथील शितोळे क्लिनिक मध्ये ही घटना घडली असुन आरोपी रवींद्र शिरसाठ पूर्ण नाव माहित नाही, रा. बाबुराव नगर, शिरूर हा क्लिनिकमध्ये आला व “तू आमचे मेडिकलमध्ये पेशंटला गोळ्या-औषधे घेण्यासाठी का पाठवत नाहीस असे म्हणत फिर्यादी डॉक्टर शितोळे यांना शिवीगाळ, दमदाटी करून यावेळी आरोपीने हाताने तसेच लाथा बुक्क्याने मारहाण केली. त्यानंतर कमरेचा बेल्ट काढून डॉक्टरांच्या हातावर व पाठीवर मारहाण करून त्यांना गंभीर दुखापत केली असुन.

याप्रकरणी शिरूर पोलीस ठाण्यात गुन्हा दाखल करण्यात आला असून या घटनेचा पुढील तपास शिरूर पोलीस स्टेशनचे पोलीस निरीक्षक संदेश केंजळे यांच्या मार्गदर्शनाखाली पो.हवा. भगत हे करीत आहेत.