न्हावरे (तेजस फडके): शिरुर तालुक्यातील करडे गावात पैशांच्या वादातून ट्रान्सपोर्ट व्यावसायिकावर दगडफेक करुन गंभीर दुखापत करण्यात आली. या हल्ल्यात पीडिताच्या गळ्यातील सोन्याची चैन तुटून हरवल्याची धक्कादायक घटना असुन याबाबत संदेश लहु शेलार (वय ४०, रा. करंजावणे, ता. शिरुर, जि. पुणे) यांनी शिरुर पोलिस स्टेशन येथे फिर्याद दाखल केली आहे.
शिरुर पोलिसांनी दिलेल्या माहितीनुसार संदेश शेलार यांचा ट्रान्सपोर्टचा व्यवसाय असुन करडे येथील आर.एम.सी. प्लॅन्टचे भागीदार पवन दिलीप घुले यांच्याकडे त्यांचा पैशाचा व्यवहार बाकी होता. त्यामुळे शेलार यांनी घुले यांना पैसे मागण्यासाठी फोन केला असता, “तुला पैसे अर्जुन काळेकडून घ्यायचे आहेत, प्लॅन्टवर आलास तर जीव मारुन टाकीन,” अशी धमकी शेलार यांना घुलेने दिली.
यानंतर अर्जुन काळे यांनी शेलार यांना प्लॅन्टवर बोलावले. शेलार हे त्यांचे मित्र स्वप्नील शिंदे व निलेश फुंडेसोबत स्वतःच्या गाडीने (एम एच १२ यु एफ ९६१३) आर.एम.सी. प्लॅन्टजवळ गेले. त्या वेळी अनोळखी चार इसमांनी अचानक शेलार यांच्या गाडीवर दगडफेक करुन गाडीच्या काचा फोडल्या.
दरम्यान, आरोपी पवन घुले याने गाडीच्या डाव्या बाजूच्या काचेवर दगड फेकला. तो दगड थेट शेलार यांच्या डोळ्याजवळ आदळून ते गंभीर जखमी झाले. त्याचवेळी शिवीगाळ, दमदाटी करत जीवे मारण्याची धमकी देत मारहाण करण्यात आली. यात शेलार यांचा शर्ट फाटला आणि गळ्यातील चार तोळ्यांचे सोन्याची चैन तुटून हरवली.
या प्रकरणी पवन दिलीप घुले (रा. करडे, ता. शिरुर, जि. पुणे) तसेच अन्य चार अनोळखी व्यक्तींविरुद्ध शिरुर पोलिस स्टेशन येथे गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक राजेंद्र बनकर ह करत आहेत.
शिरूर (अरुणकुमार मोटे): इस्रो–नासा विद्यार्थी निवड प्रक्रियेत तालुकानिहाय वेगवेगळे मेरिट निकष लागू करून शिरूरसह अनेक…
शिरूर (सुनिल जिते): संकष्टी चतुर्थीनिमित्त श्री क्षेत्र रांजणगाव येथील श्री महागणपती मंदिरात रविवारी पहाटेपासून हजारो…
अहिल्यानगर: शहरातील माळीवाडा बसस्थानक परिसरात विक्रीस असलेल्या चिक्कीच्या पॅकेटमध्ये जिवंत अळ्या आढळल्याचा धक्कादायक प्रकार समोर…
मुंबई : राष्ट्रवादी काँग्रेस (शरदचंद्र पवार) पक्षात संघटनात्मक पातळीवर महत्त्वाचे फेरबदल करण्यात आले आहेत. पक्षाचे…
दिशा वाकानीच्या कमबॅकची व्यक्त केली इच्छा; 'तारक मेहता का उल्टा चष्मा'च्या 18 वर्षांच्या सेलिब्रेशनमध्ये कलाकारांच्या…
ऑगस्ट महिन्याच्या प्रारंभासोबतच धार्मिक आणि आध्यात्मिक वातावरणाला अधिक रंग चढला आहे. हिंदू पंचांगानुसार हा महिना…