क्राईम

शिरुर तालुक्यात शेतकऱ्याला दगड-काठीने मारहाण; सात जणांविरोधात गुन्हा दाखल

न्हावरे (अक्षय टेमगिरे): शिरुर तालुक्यातील निमोणे येथे शेतातून पोकलेन व हायवा वाहन नेत असल्याबाबत विचारणा केल्याच्या कारणावरुन ६४ वर्षीय शेतकऱ्याला दगड, बांबू तसेच लाथाबुक्क्यांनी मारहाण केल्याचा प्रकार समोर आला आहे. या प्रकरणी माणिक प्रल्हाद जाधव यांनी दिलेल्या फिर्यादीवरुन शिरुर पोलीस ठाण्यात सात जणांविरोधात गुन्हा दाखल करण्यात आला आहे.

शिरुर पोलिसांनी दिलेल्या माहितीनुसार, दि ७ जुलै २०२६ रोजी सकाळी ७ च्या सुमारास हि घटना घडली असुन फिर्यादी माणिक प्रल्हाद जाधव हे त्यांच्या शेतात काम करत असताना शरद चंदर काळे आणि भरत भाऊसाहेब काळे हे पोकलेन व हायवा वाहन माती भरण्यासाठी घेऊन जात असल्याचे फिर्यादींच्या निदर्शनास आले. त्यावेळी फिर्यादींनी संबंधितांना, “तुम्ही वाहने कोठे घेऊन जात आहात…?” अशी विचारणा केली.

यानंतर आरोपींनी फिर्यादींना शिवीगाळ सुरु केली. “तुझ्या बापाची जमीन आहे का…?” असे म्हणत फिर्यादींना खाली पाडण्यात आले. त्यानंतर शरद चंदर काळे याने हातातील दगड फिर्यादींच्या उजव्या डोळ्याजवळ मारला, तर अक्षय भरत काळे याने बांबूच्या काठीने फिर्यादींच्या पाठीत मारहाण केल्याचे फिर्यादीत नमूद करण्यात आले आहे.

याशिवाय भरत भाऊसाहेब काळे, कैलास भाऊसाहेब काळे, राजेंद्र भाऊसाहेब काळे, तेजस भरत काळे आणि तन्मय राजेंद्र काळे यांनी हाताने तसेच लाथाबुक्क्यांनी मारहाण करुन शिवीगाळ केली. तसेच फिर्यादींना जीवे मारण्याची धमकी दिल्याचा आरोप तक्रारीत करण्यात आला आहे.

या प्रकरणी शरद चंदर काळे, अक्षय भरत काळे, भरत भाऊसाहेब काळे, कैलास भाऊसाहेब काळे, राजेंद्र भाऊसाहेब काळे, तेजस भरत काळे आणि तन्मय राजेंद्र काळे, सर्व (रा.निमोणे, ता. शिरुर, जि. पुणे) यांच्याविरोधात शिरुर पोलीस ठाण्यात गुन्हा दाखल करण्यात आला आहे. या प्रकरणाचा पुढील अधिक तपास शिरुर पोलीस ठाण्याचे पोलीस निरीक्षक विनोद पाटील यांच्या मार्गदर्शनाखाली पोलीस हवालदार विनोद मोरे हे करत आहेत.

शिरूर तालुका टीम

Recent Posts

Video! शिक्रापूर-मलठण रस्त्याच्या कामाला मुहूर्त कधी? लोखंडी गजांच्या वापराबाबतही संशय, नागरिकांचा संताप अनावर…

शिक्रापूर (तेजस फडके) : शिक्रापूर ते मलठण या महत्त्वाच्या रस्त्याच्या कामाचा खेळखंडोबा सुरूच असून, रस्ता…

9 तास ago

शिरूर तालुक्यात ७० लाखांची खंडणी मागून महाविद्यालयाला वेठीस धरण्याचा प्रयत्न! एकाची थेट येरवडा कारागृहात रवानगी…

शिरूर (तेजस फडके) : शिक्षण संस्थेच्या नावाने दबावतंत्राचा खेळ खेळायचा, विद्यापीठापासुन विविध शिखर परिषदांपर्यंत तक्रारींची…

1 दिवस ago

शिरूर! लाचखोर हवालदार गजाआड; मात्र लाचखोरीच्या ‘वरिष्ठ सूत्रधारां’चा शोध सुरु…

शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…

2 दिवस ago

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

3 दिवस ago

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…

3 दिवस ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

3 दिवस ago