महाराष्ट्र

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’

मुंबई : काँग्रेस संसदीय पक्षाच्या अध्यक्ष सोनिया गांधी यांच्या Belonging: A Journey of Love या पुस्तकातील स्वातंत्र्यवीर सावरकर यांच्याविषयीच्या उल्लेखावरून राज्यातील राजकीय वातावरण तापले आहे. या पुस्तकात सावरकरांचा अपमान केल्याचा आरोप करत एकनाथ शिंदे यांच्या शिवसेनेच्या प्रवक्त्यांनी पुस्तक फाडून निषेध नोंदवला. तसेच पुस्तकावर बंदी घालण्याची मागणी केली. मात्र, सावरकरांचा अपमान झाल्याची एवढीच खंत असेल, तर राष्ट्रीय स्वयंसेवक संघाचे दुसरे सरसंघचालक गोळवलकर यांच्या ‘बंच ऑफ थॉट्स’ या पुस्तकाचे काय करणार? ते पुस्तक फाडणार का आणि संघ विचारसरणीच्या सरकारमधून बाहेर पडणार का, असा थेट सवाल काँग्रेसचे राष्ट्रीय सचिव तथा तेलंगणाचे सहप्रभारी सचिन सावंत यांनी केला आहे.

टिळक भवन येथे आयोजित पत्रकार परिषदेत बोलताना सचिन सावंत यांनी शिंदेसेनेवर जोरदार टीका केली. ते म्हणाले, एकनाथ शिंदे यांच्या पक्षाचे राजकारण खोक्यापासून सुरू होऊन खोक्यापर्यंतच संपते. संविधानाने दिलेले अभिव्यक्ती स्वातंत्र्य आणि विचाराला उत्तर विचाराने द्यायचे असते, याचे भानही त्यांच्या प्रवक्त्यांना नाही. सोनिया गांधी यांचे पुस्तक फाडणारे पाच प्रवक्ते वेगवेगळ्या पक्षांतून शिंदेसेनेत आलेले असून, त्यांना स्वतःची स्वतंत्र वैचारिक भूमिका नाही.

सोनिया गांधी यांनी पुस्तकाच्या पान क्रमांक २०१ वर सावरकरांचा केवळ ओझरता उल्लेख केला आहे. त्यात त्यांनी मांडलेली माहिती ऐतिहासिक सत्यावर आधारित आहे. सोनिया गांधी यांची राजकीय कारकीर्द गांधीजींच्या सत्य आणि अहिंसेच्या तत्त्वांशी निगडित राहिली आहे. शिंदेसेनेच्या प्रवक्त्यांनी अभ्यास केला असता, तर असा प्रकार घडला नसता, अशी टीकाही सावंत यांनी केली.

‘बंच ऑफ थॉट्स’ आणि अरुण शौरींच्या पुस्तकाचे काय?

सावरकरांविषयीच्या उल्लेखावरून सोनिया गांधी यांच्या पुस्तकाला विरोध करणाऱ्या शिंदेसेनेने राष्ट्रीय स्वयंसेवक संघाचे दुसरे सरसंघचालक गोळवलकर यांच्या ‘बंच ऑफ थॉट्स’ या पुस्तकातील सावरकरांविषयीच्या कथित नकारात्मक उल्लेखावरही भूमिका स्पष्ट करावी, असे आव्हान सावंत यांनी दिले. भाजपचे नेते अरुण शौरी यांनी लिहिलेल्या The New Icon: Savarkar and the Facts या पुस्तकातही सावरकरांबाबत ऐतिहासिक संदर्भ मांडण्यात आले आहेत. मग शिंदेसेना हे पुस्तकही फाडणार का, असा सवाल त्यांनी उपस्थित केला.

पुणे न्यायालयात राहुल गांधी विरुद्ध सात्यकी सावरकर यांच्यातील सावरकर बदनामी प्रकरणाच्या सुनावणीत सावरकरांनी दहा वेळा माफीनामे दिल्याचे सात्यकी सावरकर यांनी मान्य केल्याचा दावाही सावंत यांनी केला. या साक्षीदरम्यान वीर ही उपाधी, माफीनामे, पेन्शन, मुस्लिम लीगसोबत सरकार स्थापन करणे तसेच गांधी हत्येशी संबंधित संदर्भांवरही भाष्य झाल्याचे त्यांनी सांगितले.

सावरकरांचा अपमान उजव्या विचारधारेकडूनच’ 

सोनिया गांधी यांच्या पुस्तकातील उल्लेखापेक्षा सावरकरांचा अधिक अपमान गोळवलकर यांच्या पुस्तकात झाल्याचा दावा करत सावंत म्हणाले की, अरुण शौरी यांच्या पुस्तकातही सावरकरांविषयी वेगळी भूमिका मांडण्यात आली आहे. असे असतानाही एकनाथ शिंदे यांचा पक्ष त्याच विचारसरणीच्या पक्षासोबत सत्तेत सहभागी आहे. त्यामुळे सावरकरांचा अपमान झाल्याचा कांगावा करण्यापेक्षा शिंदेसेनेने आधी स्वतःची वैचारिक भूमिका स्पष्ट करावी.

सावरकरांना भारतरत्न देण्याची मागणी करणे किंवा त्यांच्या नावाचा राजकीय फायद्यासाठी वापर करणे, यातून सावरकरांचा सन्मान होत नाही. उलट त्यांच्या नावाने राजकारण करणारेच त्यांची अवहेलना करत आहेत. सावरकरांची खरी अवहेलना उजव्या विचारधारेतील लोकांकडूनच सुरू आहे, असा घणाघात सचिन सावंत यांनी केला.

दरम्यान, सोनिया गांधी यांच्या पुस्तकावरून सुरू झालेल्या या वादात आता शिंदेसेनेने संघाच्या विचारसरणीबाबत आपली भूमिका स्पष्ट करावी, असे नवे राजकीय आव्हान काँग्रेसने दिले आहे.

शिरूर तालुका टीम

Recent Posts

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

44 मिनिटे ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

1 तास ago

मराठवाड्यात काँग्रेस संघटना मजबूत करण्यासाठी सपकाळ मैदानात; बूथपासून जिल्हास्तरापर्यंत बांधणीचे निर्देश

SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…

1 तास ago

Video! सणसवाडीतील फोसेको इंडिया कंपनीत भीषण अपघात; पल्पर मशीनमध्ये अडकून परप्रांतीय मजूर गंभीर जखमी…

शिक्रापूर (तेजस फडके): सणसवाडी (ता. शिरुर) औद्योगिक वसाहतीमध्ये कामगारांच्या सुरक्षेचा प्रश्न पुन्हा एकदा ऐरणीवर आला…

5 तास ago

मुनगंटीवारांनी मुख्यमंत्र्यांसमोरच सरकारचे वाभाडे काढले! इंग्रजांपेक्षाही वाईट कारभाराचा संदेश जात असल्याची टीका

मुंबई : महाराष्ट्रातील सत्ताधारी सरकारच्या कारभारावर आता विरोधकच नव्हे, तर खुद्द सत्ताधारी पक्षातील ज्येष्ठ नेतेही नाराजी…

1 दिवस ago

सोनियाजींच्या पुस्तकाची पाने फाडणे म्हणजे वैचारिक दिवाळखोरी! शेतकऱ्यांच्या प्रश्नांवर सरकारला घेरणार; विजय वडेट्टीवार

महिला शेतकऱ्यांची यवतमाळ ते नागपूर भव्य पदयात्रा काढणार; केंद्र-राज्य सरकारच्या शेतकरी मदतीची श्वेतपत्रिका प्रसिद्ध करण्याची…

1 दिवस ago