चार जणांच्या टोळक्यावर शिक्रापूर पोलीस ठाण्यात गुन्हे
शिक्रापूर (शेरखान शेख): सणसवाडी (ता. शिरुर) येथे मी पिंपरी चिंचवडचा भाई असल्याचे म्हणत एका कामगाराला बेदम मारहाण करण्यात आल्याची घटना घडली असल्याने शिक्रापूर पोलीस स्टेशन येथे राहुल सस्ते सह 3 जणांवर गुन्हे दाखल करण्यात आले आहे.
सणसवाडी (ता. शिरुर) येथील कंपनी कामगार रामचंद्र शर्मा हे रस्त्याचे कडेला असलेल्या भाजीपाला बाजारातून भाजी घेत असताना एम एच १४ एच एच २ हि फॉरच्यूनर कार येऊन त्याच्या शेजारी येऊन उभी राहिली. दरम्यान त्यामध्ये बसण्यासाठी चार युवक आले यावेळी एका युवकाने रामचंद्र यांना धक्का मारत शिव्या दिल्या. त्यावेळी रामचंद्र यांनी माझे काही चुकले का असे म्हटले असता कार मधील चौघांनी खाली उतरुन शिवीगाळ, दमदाटी करत हॉकी व बेल्टच्या सहाय्याने रामचंद्र यांना मारहाण केली.
यावेळी मारहाण होत असताना रामचंद्र यांच्या गळ्यातील सोन्याची चैन देखील तेथे पाडून गहाळ झाली. यावेळी एकाने तू मला ओळखत नाही का, मी पिंपरी चिंचवडचा मोठा भाई आहे, तुला कापून टाकीन, अशी धमकी देत सर्वजन त्यांच्या जवळील फॉरच्यूनर कारा मध्ये बसून निघून गेले.
घडलेल्या प्रकाराबाबत रामचंद्र सुखारी शर्मा (वय २३) रा. भुजबळ वस्ती सणसवाडी (ता. शिरुर) जि. पुणे मूळ रा. नवकाबंगरा ता. बीजईपूर जि. गोपालगंज बिहार यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी राहुल सस्ते रा. पिंपरी चिंचवड पुणे याच्या सह अन्य 3 जणांवर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस नाईक रवीकिरण जाधव हे करत आहे.
पुणे: पुणे जिल्ह्यातील नसरापूर येथील चिमुकलीवरील अत्याचार व हत्येच्या घटनेने राज्यभर संताप व्यक्त होत असताना,…
जर तुम्ही दररोज सकाळी रिकाम्या पोटी विडयाचे पान खाल्ले तर तुम्हाला त्यातून बरेच फायदे मिळतील.…
बहुतेक लोक विविध पदार्थांमध्ये कढीपत्ता भरपूर वापरतात. कढीपत्ता जेवणाची चव वाढवण्याचे काम करतो. सांबर, डाळ,…
मुंबई : राज्यात १ मेपासून जनगणना मोहिमेला सुरुवात झाली असून ही मोहीम दोन टप्प्यांत राबवली…
मुंबई: काँग्रेसचे ज्येष्ठ पदाधिकारी यशवंत हाप्पे यांच्या स्मरणार्थ दादर येथील टिळक भवनमध्ये शोकसभा आयोजित करण्यात…
मुंबई: राज्यातील कायदा सुव्यवस्थेची लक्तरे आधीच वेशीवर टांगली गेलेली आहेत. राज्यात महिला व लहान मुलीही…