जातेगाव खुर्द मध्ये रात्रीत महिलेला मारहाण करुन ऐवज लंपास

शिक्रापूर (शेरखान शेख): जातेगाव खुर्द (ता. शिरुर) येथे रात्रीच्या सुमारास घराच्या दरवाजाचा कोयंडा तोडून घरात प्रवेश करत महिलेला मारहाण करुन महिलेला जखमी करत महिलेच्या अंगातील 4 तोळ्याचे दागिने व काही रक्कम चोरून नेल्याची घटना घडली असल्याने शिक्रापूर पोलीस स्टेशन येथे अज्ञात व्यक्तीवर गुन्हे दाखल करण्यात आले आले आहे.

जातेगाव खुर्द (ता. शिरुर) येथील समिंद्राबाई मासळकर या घराच्या दरवाजाला कडी लावून घरात झोपलेल्या असताना रात्री दीड वाजण्याच्या सुमारास अज्ञात 3 व्यक्तीनी दरवाजाची कडी कोयंडा तोडून घरात प्रवेश केला. दरम्यान घरात झोपलेल्या समिंद्राबाई जाग्या झाल्या असताना घरात आलेल्या अज्ञात व्यक्तीनी त्यांना मारहाण करत डोक्याने कशानेतरी मारून जखमी करत त्यांच्या गळ्यातील 4 तोळे वजनाचे दागिने काढून घेत जवळील 4 हजार रुपये देखील काढून घेऊन पोबारा केला.

सदर घटनेत समिंद्राबाई कानबा मासळकर (वय ८५) रा. रा. जातेगाव खुर्द (ता. शिरुर) जि. पुणे या जखमी झाल्या असून याबाबत सुदाम कानबा मासळकर (वय ५८) रा. जातेगाव खुर्द (ता. शिरुर) जि. पुणे सध्या रा. कदमवाक वस्ती ता. हवेली जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात व्यक्तीवर गुन्हे दाखल केले असून सदर गुन्ह्याचा पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस निरीक्षक वैभव पवार व पोलीस शिपाई नीरज पिसाळ हे करत आहे.