शिरूर शहरात बंद घर फोडून दागिने चोरी; अज्ञात चोरट्याविरोधात गुन्हा दाखल

शिरूर (अरुणकुमार मोटे): शिरूर शहरातील गुजरमळा भागात एका बंद घराचे कुलूप तोडून अज्ञात चोरट्याने तब्बल 62 हजार रुपयांचे सोन्याचे दागिने चोरल्याची धक्कादायक घटना घडली आहे. याप्रकरणी शिरूर पोलीस ठाण्यात गुन्हा दाखल करण्यात आला आहे.

ही घटना (दि २४) मे रोजी सकाळी ७.३० ते संध्याकाळी ५ ३० या वेळेत घडली. माधुरी नारायण तरटे (वय 35), रा. गुजरमळा, शिरूर यांनी दिलेल्या फिर्यादीवरून अज्ञात चोरट्याविरुद्ध गुन्हा दाखल करण्यात आला आहे.फिर्यादी माधुरी तरटे या कामानिमित्त घर बंद करून बाहेर गेल्या असताना अज्ञात चोरट्याने त्यांच्या घराचे कुलूप कोणत्यातरी वस्तूने तोडून घरात प्रवेश केला. त्यानंतर घरातून 5 ग्रॅम वजनाचे दोन जोड सोन्याच्या कानातले (किंमत अंदाजे 42,000/- रुपये) आणि 2.5 ग्रॅम वजनाची एक सोन्याची अंगठी (किंमत अंदाजे 20,000/- रुपये) असा एकूण 62,000/- रुपयांचा ऐवज चोरून नेण्यात आला. या प्रकरणाचा पुढील तपास पोलीस नाईक जगताप तपास करत आहेत.

प्रभारी अधिकारी श्रीशैल्य चिवडशेट्टी (पोलीस निरीक्षक, शिरूर पोलीस स्टेशन) यांच्या मार्गदर्शनाखाली अधिक तपास सुरू आहे. शहरात सध्या वाढलेल्या चोरीच्या घटनांमुळे नागरिकांमध्ये भीतीचे वातावरण आहे. पोलीस प्रशासनाने चोरट्याचा लवकरात लवकर छडा लावावा आणि अशा घटना रोखण्यासाठी विशेष पावले उचलावीत, अशी मागणी होत आहे.