शिक्रापूरच्या वाबळेवाडीत जमिनीच्या वादातून हाणामारी

शिक्रापूर (शेरखान शेख): शिक्रापूर (ता. शिरुर) येथील वाबळेवाडी येथे जमिनीच्या वादातून दोन गटात हाणामारी झाल्याची घटना घडली असल्याने शिक्रापूर पोलीस स्टेशन येथे ज्ञानेश्वर गवारे, दादा ज्ञानेश्वर गवारे, आशा ज्ञानेश्वर गवारे, सुभाष जयवंत वाबळे, अजित सुभाष वाबळे यांच्यासह दोन अनोळखी इसमांवर गुन्हे दाखल करण्यात आले आहे.

शिक्रापूर (ता. शिरुर) येथील वाबळेवाडी येथे अजित वाबळे व आशाबाई गवारे यांची एकत्रित जमीन सडून सदर जमिनीत बांधकाम करण्याहून त्यांच्यात वाद होऊन हाणामारी झाली. दरम्यान याबाबत अजित सुभाष वाबळे (वय २८) रा. वाबळेवाडी शिक्रापूर (ता. शिरुर) जि. पुणे व आशाबाई ज्ञानेश्वर गवारे (वय ५०) रा. विठ्ठलवाडी (ता. शिरुर) जि. पुणे यांनी शिक्रापूर पोलीस स्टेशन येथे परस्परविरोधी फिर्यादी दिल्या.

शिक्रापूर पोलिसांनी ज्ञानेश्वर गवारे, दादा ज्ञानेश्वर गवारे, आशा ज्ञानेश्वर गवारे व 2 अनोळखी व्यक्ती सर्व रा. विठ्ठलवाडी (ता. शिरुर) जि. पुणे तसेच सुभाष जयवंत वाबळे, अजित सुभाष वाबळे दोघे रा. वाबळेवाडी शिक्रापूर (ता. शिरुर) जि. पुणे यांच्या विरुद्ध परस्परविरोधी गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार प्रशांत गायकवाड हे करत आहे.