love
शिक्रापूर : शिक्रापूर (ता. शिरूर) येथील करंजेनगर परिसरात महाविद्यालयीन प्रेमीयुगुलाने घरात एकाच दोरीच्या सहाय्याने गळफास घेऊन आत्महत्या केल्याची घटना घडली आहे. या घटनेमुळे परिसरात खळबळ उडाली आहे. घटनास्थळावर एक चिठ्ठी मिळाली असून, पोलिस पुढील तपास करत आहेत.
गणेश सखाराम कुडले (वय 19, सध्या रा. शिक्रापूर, ता. शिरूर जि. पुणे, मूळ, रा. मांदेडे, ता. मुळशी, जि. पुणे) व अनिषा संजय चांदेकर (वय 19, रा. अंडल, ता. मावळ, जि. पुणे) अशी आत्महत्या केलेल्या दोघांची नावे आहेत. याबाबत सखाराम श्रीपती कुडले (वय 19, सध्या रा. शिक्रापूर, ता. शिरूर, जि. पुणे, मूळ रा. मांदेडे, ता. मुळशी, जि. पुणे) यांनी शिक्रापूर पोलिस ठाण्यात फिर्याद दिली.
याबाबतची माहिती मिळताच पोलिस नाईक अतुल पखाले, विशाल देशमुख यांनी घटनास्थळी धाव घेत पंचनामा करून पोलिसांनी आकस्मिक मृत्यूची नोंद केली आहे. पोलिसांनी दिलेल्या माहितीनुसार, प्रेमीयुगुल मुळशी तालुक्यातील माले येथे महाविद्यालयीन शिक्षण घेत होते. गणेश यांचे वडिल नोकरीनिमित्त शिक्रापूर येथे स्थायिक होते. करंजेनगरमध्ये राहणारे सखाराम कुडले हे गावी गेले होते, त्यांचा मुलगा गणेश कुडले हा त्याची प्रेयसी अनिषा चांदेकर हिला घरी घेऊन आला होता.
मंगळवारी सायंकाळच्या सुमारास सखाराम हे गावाकडून शिक्रापूर येथे येण्यासाठी निघाले असताना त्यांनी शेजारी राहणाऱ्या व्यक्तीला फोन करून गणेशकडे फोन देण्यास सांगितले. शेजारील व्यक्ती कुडले यांच्या घरात गेले असता यांना गणेश व त्याच्या प्रेयसीने घरात दोरीच्या सहाय्याने गळफास घेतल्याचे दिसून आले. याबाबतची माहिती मिळताच पोलिस नाईक अतुल पखाले, विशाल देशमुख यांनी घटनास्थळी धाव घेत पंचनामा केला. त्यांना घटनास्थळावर एक चिठ्ठी मिळून आली आहे.
दरम्यान, या चिठ्ठीत ‘आम्ही आमच्या स्वेच्छेने आत्महत्या करत असून यात आमच्या कुटुंबाचा काही संबंध नाही, आमच्यामुळे ज्यांना त्रास होत होता त्यांना त्रास होणार नाही’ असा मजकूर चिठ्ठीत लिहिला आहे. पुढील तपास पोलिस निरीक्षक दीपरतन गायकवाड यांच्या मार्गदर्शनाखाली पोलिस उपनिरीक्षक सोमनाथ कचरे हे करत आहेत.
वाघोलीतील लॉजवर प्रेमीयुगुलाची गळफास घेत आत्महत्या…
शिरूर तालुक्यात ऑनलाइन गेममधील नैराष्यातून आत्महत्या…
शिरुर तालुक्याच्या पुर्व भागात चुलती व पुतण्याने गळफास घेत आत्महत्या केल्याने खळबळ
शिंदोडी (तेजस फडके) : शेतकऱ्यांना आर्थिक आधार देण्याबरोबरच सहकार क्षेत्रात आर्थिक शिस्त आणि विश्वासार्हतेचा आदर्श…
शिरूर (तेजस फडके) : शिरुर तालुक्यातील चिंचणी येथील घोड धरणात गेल्या पाच वर्षांपासून बेकायदेशीर वाळू…
शिरुर (तेजस फडके) चिंचणी (ता. शिरुर) शिरूर आणि श्रीगोंदा तालुक्यातील शेतीसाठी जीवनदायिनी ठरलेल्या चिंचणी (ता.…
पिंपरी-चिंचवड : वाढत्या पिंपरी-चिंचवड शहराच्या सुरक्षिततेचा पाया अधिक मजबूत करण्यासाठी पोलीस दलाच्या आधुनिकीकरणाला राज्य सरकारने…
थोरात, हंडोरे, नसीम खान यांच्यासह चौघांची समिती; तीन आठवड्यांत अहवाल सादर होणार मुंबई: नागपूर पदवीधर,…
मुंबई: महाराष्ट्रात काँग्रेस पक्षाचे संघटन अधिक मजबूत करण्यासाठी प्रदेश नेतृत्वाने आता नियोजनबद्ध पावले उचलण्यास सुरुवात…