शिरूर (अरुणकुमार मोटे): एका हॉटेलमध्ये कामगाराने काम करण्यासाठी आगावू रक्कम घेतली होती. पैसे घेऊनही तो काम करत नसल्याने हॉटेल चालवणाऱ्या दोघांनी मारहाण करून त्याचा खून केला होता. मृतदेह न्हावरा-केडगाव जाणाऱ्या रोडवरील पारगाव पुलाखाली भीमा नदीपात्रात फेकून दिला होता. या अनोळखी मृतदेहाची ओळख पटण्यापुर्वीच स्थानिक गुन्हे शाखेने आरोपींच्या मुसक्या आवळल्या आहेत.
याबाबत सविस्तर हकीकत अशी की, शिरूर पोलिस स्टेशन येथे गु.र.नं. ११०४/२०२३ भा.दं.वि.का.क. ३०२,२०१ प्रमाणे २९ ऑक्टोबर रोजी गुन्हा दाखल करण्यात आला होता. सदर गुन्हयातील मयत व्यक्तीची ओळख पटलेली नव्हती. त्यामुळे गुन्हयाची उकल करणे हे पोलिसांसमोर मोठे आव्हान बनले होते. मयत प्रेत हे न्हावरा केडगाव जाणारे रोडवरील पारगाव पुलाखाली भीमा नदीपात्रात मिळाल्याने नक्की गुन्हा केव्हा घडला याबाबत संभ्रम निर्माण झाला. सदरचा गुन्हा उघडकीस आणण्याकरीता पोलिस अधीक्षक पुणे ग्रामीण यांनी स्थानिक गुन्हे शाखेच्या तपास पथकाला मार्गदर्शन व सुचना केल्या होत्या.
त्या अनुषंगाने सीसीटीव्ही फुटेज तपासण्यात आले तसेच तांत्रिक विश्लेषण करण्यात आले. सलग आठ दिवस सीसीटीव्ही फुटेज तपासण्यात आले. त्या दरम्यान एक संशयित चारचाकी पिकअप वाहन निदर्शनास आले. सदरचे पिकअप वाहन हे टोलनाका बाजुकडे गेल्याचे आढळून आल्याने सुपा टोलनाका परीसरात चौकशी करता, मयत व्यक्ती हा टोलनाक्या जवळील हॉटेल सौंदर्या इन येथे कामास असल्याची माहिती पोलिसांना मिळाली होती. हॉटेल सौंदर्या इन हे १) बापू भिमाजी तरटे (वय ३६ वर्ष रा. पळवे खु ॥ ता. पारनेर जि अहमदनगर), २) निलेश माणिक थोरात (वय २६ वर्षे, रा. मुंगशी, ता. पारनेर जि. अहमदनगर) यांनी चालविण्यासाठी घेतले असल्याने त्यांच्याकडे चौकशी करण्यास सुरूवात केली. त्यांनी सदरचा गुन्हा केल्याचे प्रथम कबुल केला आहे.
मृत व्यक्तीचे नाव संतोष आप्पासाहेब गाडेकर (रा, टोकवाडी ता मंठा जि जालना) असे असल्याचे निष्पन्न झाले. मयत संतोष गाडेकर याने हॉटेलवर काम करण्यासाठी आगाऊ रक्कम घेतलेली होती. परंतु, तो काम करत नसल्याने त्यास मारहाण करून त्याचा खून केला आणि पिकअप वाहनातून त्यास पारगाव पुलावरून भीमा नदीपात्रात त्याचे प्रेत टाकून देण्यात आले असल्याचे निष्पन्न झाले आहे. दोन्ही आरोपींनी मयताची विल्हेवाट लावणेसाठी वापरण्यात आलेले पिकअप वाहनासह शिरूर पोलिस स्टेशनचे ताब्यात देण्यात आले आहे.
सदरची कामगिरी पोलिस अधीक्षक अंकित गोयल, अपर पोलिस अधीक्षक मितेश घट्टे यांच्या मार्गदर्शनाखाली स्थानिक गुन्हे शाखेचे पोलिस निरीक्षक अविनाश शिळीमकर, शिरूर पो स्टे चे पो नि संजय जगताप, स्था.गु.शा. कडील पो.स.ई. गणेश जगदाळे, पोलिस अंमलदार तुषार पंदारे, जनार्दन शेळके, योगेश नागरगोजे, अतुल डेरे, राजू मोमीण, चंद्रकांत जाधव, मंगेश थिगळे यांनी केली आहे. आरोपी सध्या पोलिस कोठडी रिमांड मध्ये असून पुढील तपास शिरूर पोलिस स्टेशन करत आहे.
भीषण अपघात! शिरूर तालुक्यात एसटीच्या चाकाखाली घुसली दुचाकी…
वाघोलीतील लॉजवर प्रेमीयुगुलाची गळफास घेत आत्महत्या…
शिरूर तालुक्यात युवकाचा खून; खुनी दोन तासात पोलिसांच्या ताब्यात…
जमिनीचा बांध कोरला म्हणून पुतण्याचा केला खून…
शिरूर तालुक्यात पेट्रोल टाकून प्रेत जाळणारे गजाआड; प्रेमसंबंधातून खून…
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…