Video: पाबळ-कान्हूर मेसाई रस्त्यावर विचित्र अपघातात एकाचा जागीच मृत्यू…

शिरूर (तेजस फडके): पाबळ (ता. शिरूर) येथील कान्हूर मेसाई रस्त्यावर सोमवारी (ता. १८) सकाळच्या सुमारास तीन वाहनांचा विचित्र अपघात होऊन एकाचा जागीच मृत्यू झाला तर पाच जण जखमी झाले. संबंधित घटना सीसीटिव्हीत कैद झाली आहे.

भास्कर शिवलाल मकवाणे (वय ६०, रा. पाबळ) असे मृत रिक्षाचालकाचे नाव आहे. आशा बाळू घोलप (रा. घोलपवाडी, कान्हूर मेसाई), दुचाकीस्वार सतीश भाऊसाहेब खैरे ( वय ४२ रा. खैरेनगर), मोटारचालक संभाजी भगवान जाधव (रा. भोरशेत, पाबळ) तसेच गणेश बबन आगरकर व काळूराम तुकाराम चौधरी (रा. पाबळ) असे जखमींची नावे आहेत.

पोलिसांनी दिलेल्या माहितीनुसार, पाबळकडून येणारी मोटार (एमएच १२ टी के ३१६९) अचानक विरुद्ध दिशेला गेल्याने समोरून येणाऱ्या रिक्षाला (एमएच १४ ईएच २६५०) जोरदार धडक दिली. त्याचवेळी शेजारून जाणाऱ्या दुचाकीला (एमएच १२ एचएक्स ९४९६) देखील धडक बसली. यावेळी झालेल्या अपघातात एकाचा मृत्यू झाला आहे. याप्रकरणी सुधीर सदाशिव मकवाणे यांनी शिक्रापूर पोलिस ठाण्यात फिर्याद दिली. पोलिसांनी मोटारचालक संभाजी भगवान जाधव याच्याविरुद्ध गुन्हा दाखल केला. पुढील तपास पोलिस हवालदार संतोष शेळके करत आहेत.

दरम्यान, अपघातातील दुचाकीस्वार सतीश खैरे हे खैरेनगरचे माजी उपसरपंच आहेत. धडकेनंतर ते रस्त्याच्या कडेला जाऊन आदळले. मोटारीचे चाक त्यांच्या डोक्याजवळून गेल्याचे सीसीटीव्ही फुटेजमध्ये दिसत असून, नशीब बलवत्तर म्हणून ते थोडक्यात बचावले.

शिरुर तालुक्यात अष्टविनायक महामार्गावर भीषण अपघात; बँकेतील तरुण कॅशियरचा दुर्दैवी मृत्यू

शिरुर तालुक्यात बैलगाडा शर्यतीदरम्यान अपघात; निष्काळजीपणामुळे एकाचा मृत्यू…?

न्हावरे-काष्टी अष्टविनायक महामार्गावर भीषण अपघात; पत्नीचा जागीच मृत्यू, पती जखमी

पुणे-नगर महामार्गावर तीन वाहनांचा विचित्र अपघात; प्रसंगावधानाने मोठा अनर्थ टळला

शिरूर! राजस्थान ढाबा पार्किंगमध्ये भीषण अपघात; ट्रक अंगावरून गेलेल्या तरुणाचा मृत्यू…