शिरूर हादरलं! लॉजमध्ये युवतीवर 7 जणांचा आळीपाळीने अत्याचार; पाहा नावे…

शिरूर : चांगल्या पगाराच्या नोकरीचे आमिष दाखवून एका परप्रांतीय युवतीला (वय २२) लॉजमध्ये डांबून तिच्यावर सामूहिक अत्याचार करण्यात आल्याची धक्कादायक घटना घडली आहे. याप्रकरणी शिरूर पोलिस ठाण्यात सात जणांविरोधात विविध गंभीर कलमांखाली गुन्हा दाखल करण्यात आला आहे.

पीडित युवती ही मूळची छत्तीसगड येथील रहिवासी असून ती सध्या चाकण परिसरात वास्तव्यास होती. आरोपींनी तिला चांगल्या पगाराची नोकरी देण्याचे आमिष दाखवले आणि चाकण येथून कारमध्ये बसवून शिरूर येथे आणले. 19 ते 21 ऑगस्ट या कालावधीत तिला शिरूरमधील ‘हॉटेल मार्वल इन लॉजिंग’ येथील एका खोलीत डांबून ठेवण्यात आले. आरोपींनी पीडित युवतीला जबरदस्तीने पांढऱ्या रंगाची नशा आणणारी पावडर दिली. तिने विरोध करण्याचा प्रयत्न केला असता आरोपींनी तिला मारहाण केली.

युवतीने आरोपींच्या तावडीतून सुटका करून घेतल्यानंतर थेट शिरूर पोलिस ठाणे गाठून आपबिती सांगितली व तक्रार नोंदवली. तिच्या तक्रारीवरून पोलिसांनी सात जणांवर गुन्हा दाखल केला आहे. दिपक श्रीमंदीलकर, अजय घेगडे, ऋषीकेश ढवळे, दिपक भोसले, सागर ढवळे, अनिकेत पठारे आणि एक अनोळखी व्यक्ती अशा सात जणांवर गुन्हा दाखल करण्यात आला आहे.

दरम्यान, या घटनेमुळे शिरूर तालुका हादरला असून, तीव्र संताप व्यक्त केला जात आहे. शिरूर पोलिस या प्रकरणाचा पुढील तपास करत आहेत.

शिरूर तालुक्यात घडली धक्कादायक घटना; युवक, युवतीला मारहाण करत केला सामूहिक बलात्कार…

शिरूर तालुक्यात मिस्त्रीचे काम करण्यासाठी आलेल्या व्यक्तीने अल्पवयीन मुलीवर केला बलात्कार…

शिरूर तालुक्यात अल्पवयीन मुलीला लग्नाचे आमिष दाखवून केला बलात्कार…

धक्कादायक! शिरूर तालुक्यात अवघ्या तीन वर्षांच्या चिमुकलीवर बलात्कार…

शिरूर! अल्पवयीन मुलांचे अपहरण अन् मुलीचा खून करणाऱ्याला पोलिसांनी ठोकल्या बेड्या…