लोणी काळभोर: ‘मी फाशी घेत आहे. माझा काम धंदा गेला. माझ आख्ख नुकसान झालं, माझा आख्खा पैसा पाणी गेला, यांनी आख्ख मला वाटला लावलं, या चार पाच जणांनी.’ अशी आत्महत्येपूर्वी व्हिडीओ क्लीप रेकॉर्ड करून एका कामगाराने आत्महत्या केल्याची घटना घडली आहे.
ही घटना लोणी काळभोर (ता. हवेली) पोलीस ठाण्याच्या पाठीमागील वस्तीत बुधवारी (ता.6) रात्री साडेआठ वाजण्याच्या सुमारास उघडकीस आली आहे. लोणी काळभोर येथील इंडियन ऑईल टर्मिनल कंपनीच्या सुपरवायझरसह 6 जणांवर गुन्हा दाखल करण्यात आला आहे.
तुकाराम ज्ञानेश्वर भाले (वय -38, रा. लोणी काळभोर, ता.हवेली) असे आत्महत्या केलेल्या कामगाराचे नाव आहे. तर सुनिल विजय कसबे (वय 32), सारिका उर्फ सावित्रा सुनिल कसबे (वय 27), सुनिता विजय कसबे (वय 47) करण काळु कसबे (वय 22, सर्व रा. गारुडीवस्ती, लोणी काळभोर ता. हवेली जि. पुणे), अक्षय केवट (वय 30) व अजित सिंग (वय 30, दिघेही रा. कदमवाकवस्ती ता. हवेली जि. पुणे) असे गुन्हा दाखल करण्यात आलेल्या आरोपींची नावे आहेत. याप्रकरणी तुकाराम भाले यांच्या पत्नीने लोणी काळभोर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी व त्यांचे पती तुकाराम भाले हे लोणी काळभोर येथील इंडियन ऑईल टर्मिनल कंपनीमध्ये काम करत होते. तेव्हा आरोपी अक्षय केवट हा फिर्यादी यांना म्हणाला “तु मला आवडते, मला तुझ्यासोबत रिलेशन मध्ये राहायचे आहे, तुझ्या नवऱ्याला देखील काही कळणार नाहीं” असे म्हणुन फिर्यादी यांची छेडछाड करून अश्लील बोलायचा. तसेच कोणीही नसताना फिर्यादी यांच्यासोबत लगट करून विनयभंग केला.
फिर्यादी व त्यांचे पती तुकाराम भाले यांनी या प्रकाराबाबत कंपनीच्या वरिष्ठांकडे तक्रार केली. वरिष्ठांना तक्रार केल्याने सुपरवायझर अजित सिंग व सुनिल कसबे यांनी फिर्यादी यांना कामावरुन काढुन टाकले. त्यानंतर फिर्यादी यांचे पती तुकाराम भाले यांना सुध्दा कामावरुन काढुन टाकण्याची धमकी देवुन मानसिक त्रास दिला. या सततच्या होणाऱ्या त्रासाला कंटाळून तुकाराम भाले यांनी राहत्या घरामध्ये लोखंडी अँगलला साडीच्या सहाय्याने गळफास घेवुन आत्महत्या केली.
दरम्यान, तुकाराम भाले यांना आत्महत्या करण्यास प्रवृत्त केल्याप्रकरणी व स्वत:चा विनयभंग केल्याप्रकरणी पिडीतेने लोणी काळभोर पोलीस ठाण्यात फिर्याद दिली आहे. त्यानुसार आरोपींच्या विरोधात भारतीय न्याय संहिता कलम 108, 74, 79, 352, 351 (2), 3(5) प्रमाणे गुन्हा दाखल करण्यात आला आहे. पुढील तपास लोणी काळभोर पोलीस ठाण्याच्या पोलीस निरीक्षक (गुन्हे) स्मिता पाटील करीत आहेत.
तुकाराम भाले यांनी आत्महत्या करण्यापूर्वी व्हिडीओ रेकॉर्ड केला आहे. “करण कसबे, सुनिता कसबे, सारिका कसबे, अजित सिंग यांच्यामुळे मी फाशी घेत आहे. माझा काम धंदा गेला. माझ आख्ख नुकसान झालं, माझा आख्खा पैसा पाणी गेला, यांनी आख्ख मला वाटला लावलं, या चार पाच जणांनी.” असे त्यांनी व्हिडीओमध्ये म्हटले आहे.
हा प्रश्न अनेकांना पडला असेल. त्या प्रश्नाचं उत्तर या लेखात मिळेल. हिमोग्लोबिन, प्लाझ्माप्रमाणे प्लेटलेट्स हादेखील…
विजय वडेट्टीवारांचा सरकारवर घणाघात; “दोन दिवसांत दहा शेतकऱ्यांच्या आत्महत्या, सरकारला शेतकऱ्यांचे दुःख दिसत नाही का?”…
जीभचा रंग हा तुमच्या शरिराच्या स्थितीचा अंदाज सांगतो. पाहा काय आहे जीभेच्या रंगामागचं खरं कारण.…
न्हावरे (अक्षय टेमगिरे) : गुनाट ते शिंदोडी रस्त्यावर भरधाव आणि निष्काळजीपणे मोटारसायकल चालविणाऱ्या चालकाने सायकलवरुन…
मलठण (सुनिल जिते) : अष्टविनायक महामार्गावर भरधाव वेगाने वाहन चालविणे आणि ओव्हरटेक करण्याचा प्रयत्न दोन…
‘लोकतंत्र बचाव’च्या नावाखाली काँग्रेसकडून लोकशाहीबाबत संभ्रम; व्होट चोरीच्या आरोपांवर पुरावे देण्याचे शिंदेंचे आव्हान ठाणे :…