क्राईम

कवठे यमाईतील अल्पवयीन तरुणाच्या मृत्यूप्रकरणी तिघांना अटक; आत्महत्येस प्रवृत्त केल्याचा गुन्हा

शिरूर (अरुणकुमार मोटे): कवठे यमाई (ता. शिरूर) येथील १७ वर्षीय तरुणाला जीवे मारण्याची तसेच हात-पाय तोडण्याची धमकी देऊन मानसिक त्रास दिल्याचा आरोप असून, त्यानंतर भीतीपोटी त्याने गळफास घेऊन आत्महत्या केल्याची धक्कादायक घटना समोर आली आहे. या प्रकरणी शिरूर पोलिसांनी तडीपार आरोपीसह तिघांना अटक केली असून न्यायालयाने त्यांना ८ जुलैपर्यंत न्यायालयीन कोठडी सुनावली आहे. याप्रकरणी समीर शाकीर पठाण (वय १७) यांच्या आई आस्मा शाकीर पठाण (रा. चंदननगर, कवठे यमाई) यांनी शिरूर पोलीस ठाण्यात फिर्याद दिली आहे.

पोलिसांच्या माहितीनुसार, ३ जुलै २०२६ रोजी समीर हा मोटारसायकलवरून घरी जात असताना आरोपी योगेश तुकाराम देवकर आणि नवनाथ उर्फ बाबू निलेश बोडरे यांनी जुन्या वादाच्या कारणावरून त्याला रस्त्यात अडवून जीवे मारण्याची धमकी दिली. त्यावेळी उपस्थित असलेल्या अर्चना दादाभाऊ जाधव हिनेही “याला जीवे मारू नका, हात-पाय तोडून आयुष्यभर घरात बसवूया,” असे म्हटल्याचा आरोप फिर्यादीत करण्यात आला आहे.

या धमक्यांमुळे समीर मानसिकदृष्ट्या घाबरला आणि त्यानंतर त्याने राहत्या घरी गळफास घेऊन आत्महत्या केल्याचे फिर्यादीत नमूद करण्यात आले आहे. यानंतर आईच्या तक्रारीवरून तिघांविरुद्ध आत्महत्येस प्रवृत्त केल्याचा गुन्हा दाखल करण्यात आला.

शिरूर पोलिसांनी तातडीने कारवाई करून योगेश देवकर आणि नवनाथ बोडरे यांना ५ जुलै रोजी पहाटे अटक केली. त्यानंतर अर्चना जाधव हिलाही सकाळी अटक करण्यात आली.

पोलिसांच्या माहितीनुसार, आरोपी योगेश देवकर याच्याविरुद्ध दरोडा, चोरी आणि महाराष्ट्र दारूबंदी कायद्यान्वये अनेक गुन्हे दाखल असून त्याला यापूर्वी दोन वर्षांसाठी तडीपार करण्यात आले होते. अर्चना जाधव हिच्याविरुद्धही दारूबंदी कायद्यासह अन्य स्वरूपाचे गुन्हे दाखल आहेत. तर नवनाथ बोडरे याच्याविरुद्ध यापूर्वी कोणताही गुन्हा नोंद नसल्याचे पोलिसांनी सांगितले.

या प्रकरणाचा पुढील तपास पोलीस उपनिरीक्षक राहुल भागवत करीत असून, गुन्ह्याची नोंद पोलीस उपनिरीक्षक कदम यांनी केली आहे.या घटनेमुळे कवठे यमाई परिसरात खळबळ उडाली असून, अल्पवयीनांमधील वैमनस्य आणि धमकीच्या घटनांचे गंभीर परिणाम पुन्हा एकदा समोर आले आहेत. या प्रकरणाचा तपास पूर्ण झाल्यानंतर मृत्यूमागील सर्व बाबी अधिक स्पष्ट होणार असल्याचे पोलिसांनी सांगितले.

शिरूर तालुका टीम

Recent Posts

झी मराठीच्या मालिकांमध्ये रंगणार भावनिक घडामोडींचा आठवडा; गुरुकुलवर वाडेकरांचा डाव, आनंदीचा परदेशवारीचा निर्णय!

मुंबई : झी मराठी वाहिनीवरील लोकप्रिय मालिकांमध्ये या आठवड्यात अनेक रंजक, भावनिक आणि नाट्यमय घडामोडी…

2 तास ago

जिल्हा न्यायालयांतील ३४ हजार कर्मचारी संपावर; न्याय देणाऱ्या व्यवस्थेतच न्यायाचा प्रश्न!

महाराष्ट्रातील जिल्हा न्यायालयांमधील तब्बल ३४ हजार कर्मचारी आपल्या न्याय्य मागण्यांसाठी संपावर जाण्याची वेळ येणे, ही…

2 तास ago

जलद गतीच्या व्यायामांमुळे रक्तातील साखर वाढू शकते?

चालणे, योगासन करणे आणि जास्त हालचालींचे बहुतेक प्रकार शरीराला ग्लुकोजचे चांगले नियमन करण्यास मदत करतात.…

4 तास ago

घरच्या घरी ब्लड प्रेशर कसे तपासावे

सध्याच्या धावपळीच्या आयुष्यात आपण आरोग्याकडे आणि आहाराकडे दुर्लक्ष करतो, त्यामुळे अनेक आरोग्याच्या समस्या वाढताना दिसत…

4 तास ago

मनात विचारांचं काहूर, सतत चिडचिड होते? तुम्हालाही स्ट्रेस छळतोय ना, वाचा ४ सोपे उपाय

आपले मन आणि शरीर निरोगी असणं फार गरजेचे आहे. शारीरिक आरोग्यासह मानसिक आरोग्य जपायला हवे.…

18 तास ago

पाणी पिण्याची योग्य पद्धत

पाणी हे संपूर्ण आहारातील अतिशय महत्त्वाचा घटक असतो. शरीराचा ७० टक्के भाग हा पाण्याने व्यापलेला…

18 तास ago